“Tolibon” rasmiylari 30-may kuni Xost va G‘azni viloyatlarida 11 nafar fuqaroni omma oldida qamchiladi. Bu haqda Atlas Press nashri xabar berdi.
“Tolibon” Oliy sudi ushbu xabarni tasdiqlagan. Fuqarolar qamchilanishi sabablari, ularga qo‘yilgan ayblovlar maʼlum qilinmagan.
Oliy sud payshanba kuni axborot byulleteni nashr etgan. Unda aytilishicha, fuqarolarning har biri 20 dan 39 darragacha qamchilangan.
Afg‘oniston mahalliy nashrlari tarqatgan xabarga ko‘ra, qamchilangan fuqarolarning 10 nafari Xost va yana 1 nafari G‘azni viloyatlaridan bo‘lgan. Xostdagi “Tolibon” sudi ayblanuvchilarni olti oydan uch yilgacha qamoq jazosiga hukm qilgan.
So‘nggi paytlarda xalqaro inson huquqlari tashkilotlari “Tolibon” rahbariyatiga murojaat qilib, inson huquqlarini hurmat qilish va dala jazosini taqiqlashga chaqirgan. “Tolibon” xalqaro chaqiriqlarni qisman qondirgan bo‘lsa-da, qamchilash jazo usulini bekor qilmadi.
Izoh (0)