Amerika tomonidan ajratilayotgan mablag‘larni Kiyev AQSH Senatining qurolli kuchlar bo‘yicha qo‘mitasi tomonidan ma’qullangan 2026-yilgi milliy mudofaa to‘g‘risidagi qonun (NDAA) doirasida olishi mumkin. Bu haqida Deutsche Welle xabar berdi.
Ushbu qonun Ukraina xavfsizligini qo‘llab-quvvatlash tashabbusini 2028-yilgacha uzaytirishni va moliyalashtirish hajmini 2025-yildagi 300 million dollardan 500 million dollargacha oshirishni nazarda tutadi.
Ukrainadan tashqari, NDAA boshqa global tahdidlarga, jumladan, Xitoy, Eron va Shimoliy Koreya muammolariga ham javob beradi. NDAA tomonidan AQSH milliy mudofaasini moliyalashtirishning umumiy miqdori 925 milliard dollarni tashkil qiladi.
Ukrainaga mablag‘ ajratish loyihasi endi ma’qullashning keyingi bosqichlaridan o‘tishi kerak.
Izoh (0)