Xalq tilida “Toshturma” nomi bilan tanilgan qamoqxonada kuniga atigi 4-6 soat davomida suv berilayotgani haqida xabar berilgan edi. Unday aytilishicha, IIV huzuridagi JIED Markaziy tergov hibsxonasida saqlanayotgan mahbuslarda shu kunlarda muassasada suv ta’minotida jiddiy uzilishlar bo‘layotganidan, xususan, sutkasiga atiga 4-6 soat davomida suv berilayotganidan ommaviy norozilik kayfiyati yuzaga kelgan.
Holat yuzasidan IIV axborot xizmati rahbari Shohrux G‘iyosovning izoh berishicha, mazkur axborot haqiqatga to‘g‘ri kelmaydi.
IIV Jazoni ijro etish departamenti tasarrufidagi muassasalardagi holat nazorat qiluvchi organlar va tegishli ma’sullar tomonidan doimiy ravishda o‘rganib boriladi, dedi Shohrux G‘iyosov.
Mazkur masala yuzasidan Oliy Majlisning inson huquqlari bo‘yicha vakili (ombudsman)ning ishonch raqamiga qo‘ng‘iroq qilib, bog‘lanishning imkoni bo‘lmadi.
Avvalroq Buxoro viloyatidagi qamoqxonada mahbuslar nos kiritilmasligidan shikoyat qilgan edi.
Izoh (0)