Saudiya Arabistonining “Al-Ahli” klubi argentinalik hujumchi Lionel Messini “Inter Mayami” bilan tuzilgan shartnomasi yakunlangach, o‘z safiga qo‘shib olishni istamoqda. Bu haqda Fransiyaning L’Equipe nashri xabar berdi.
Manbaning ma’lumotiga ko‘ra, “Al-Ahli” rahbariyati bir necha haftadan buyon 37 yoshli futbolchini transferga rozi qilish uchun muzokara olib bormoqda. Ehtimoliy transferning moliyaviy tafsilotlari hozircha oshkor etilmagan, biroq Saudiya Arabistoni klubi Messining transferini amalga oshirish uchun barcha imkoniyatlarni ishga solmoqchi.
Saudiya Arabistoni so‘nggi yillarda bir qator yulduz futbolchilarni jalb etish orqali mamlakat futbolini jahon darajasiga olib chiqish yo‘lida faol harakat qilmoqda. Agar Messi “Al-Ahli” taklifini qabul qilsa, bu transfer nafaqat Saudiya chempionati, balki butun futbol olami uchun muhim voqea bo‘lishi mumkin, deyiladi L’Equipe nashrida.
Avvalroq ommaviy axborot vositalarida Messi AQSH klubida qolishni maqsad qilgani hamda bu borada muzokara olib borayotgani borasida xabarlar tarqalgan edi.
Eslatib o‘tamiz, Lionel Messi hozirda “Inter Mayami”da safida to‘p surmoqda. U klub bilan 2023-yilda shartnoma imzolagan bo‘lib, kelishuv 2025-yilning 31-dekabriga qadar amal qiladi.
Izoh (0)