“Tarmoqda nima gap?” loyihasi doirasida “Daryo” qiziqarli postlarni bir joyga jamlab borishda davom etadi.
Quyida 15-iyulda e’lon qilingan ba’zi postlarni e’tiboringizga havola qilamiz.
Bora-bora naqd puldan foydalanish kamayayotgani ortidan lo‘lilar ham buning yo‘lini topibdi. Endi ularga yonimda bir tiyin ham yo‘q, deya javob qaytara olmaysiz, kartadan o‘tkazib bersangiz ham bo‘ladi, degan javobni olishingiz aniq. Mazkur foydalanuvchining yozishicha, toki chekni ko‘rsatmagunicha ular yonidan ketmagan.
Telegram asoschisi Pavel Durov Qozog‘istonga tashrifi haqidagi taassurotlarini muxlislari bilan bo‘lishgan edi. Durovning ta’kidlashicha, 20 million qozog‘istonlikning 12,5 millioni hozirda Telegram’dan foydalanmoqda. Bu o‘tgan yilga nisbatan 25 foizga ko‘pdir. Durov Qozog‘istonga tashrifidan so‘ng qozoqcha stillda ko‘rinish berdi.
AQSH sobiq prezidenti Donald Tramp 14-iyul kuni Pensilvaniyaning Batler shahridagi saylovoldi mitingi paytida yaralangan edi. Odamlar qurollangan yigit tomga chiqqanini ko‘rgan va politsiyachiga murojaat qilgan. Tomas Kruks siyosatchi tomonga taxminan 5-6 marta o‘q uzishga ulgurgan va ulardan biri Trampni yarador qilgan. Shundan so‘ng ijtimoiy tarmoqlarda bu vaziyatda politsiyachi Donald Trampni himoya qilmaganini aks ettiruvchi memlar paydo bo‘ldi.
18 yildan buyon yo‘lovchi tashish bilan shug‘ullanuvchi ayol qoidabuzarliklarni qayd etuvchi radarlar chiqqanidan so‘ng atigi 3 marta jarima yozilgani, o‘g‘li esa 4 oyda 11 marta qoidabuzarlik sabab radarga tushgani haqida aytgan.
Bu suratda 30 yil ichida ilk bor tog‘ga dam olishga ketayotgan Damas haydovchisini ko‘rish ko‘rish mumkin.
Ijtimoiy tarmoqlarda hayvonlar alohida mavzu. Ular bilan bog‘liq har qanday post sizning kayfiyatingizga ta’sir qilishi aniq. Quyidagi foydalanuvchining yozishicha, bu kuchukka egasi doim o‘z aybini ag‘daradi. U esa adolatsizlik sababli vovullaydi. Hatto ayrim tarmoq kuzatuvchilari unga yurist yollashni ham rejalashtirmoqda ekan.
Quyidagi mushuk surati esa alohida memga sabab bo‘ldi. Unda yozilishicha, mushukcha o‘y-fikrlarning ko‘pligidan charchagan.
Bu mushukcha esa qo‘shni xonadonga kirib, uy egasining joynamoziga o‘tirib olgan. Mushukchaning bu harakati, albatta, kuzatuvchilarning e’tiboridan chetda qolmadi.
Barcha boshqotirmalar ichida eng aqldan ozdiruvchi boshqotirma topildi, deb yozmoqda yana bir ijtimoiy tarmoq foydalanuvchisi.
Bir paytlar butun mahalla uchun bitta televizor bo‘lardi va barcha o‘sha xonadonga kelib, turli filmlar tomosha qilardi. Quyidagi fotoda bugungi kun tasvirlangan. Mahalladoshlar yig‘ilib futbol tomosha qilmoqda.
Ispaniya terma jamoasi futbolchilari qahramon Tramp rolida.
Izoh (0)