Toshkentning Uchtepa tumani hokimi Farhod Abdullayev lavozimidan ozod etildi.
Bu haqda 11-iyul kuni poytaxt hokimi tegishli qarori imzolangan. Farhod Abdullayev “O‘zbekiston texnologik metallar kombinati” raisi etib tayinlandi.
Tuman hokimi vazifasini hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Jamshid Alimjonov vaqtincha bajarib turadi.
Farhod Abdullayev Uchtepa tumaniga 2019-yil may oyidan buyon rahbarlik qilib kelayotgandi. Undan avval, 2017—2019-yillarda Toshkent viloyati Angren shahri davlat soliq inspeksiyasi boshlig‘i bo‘lgan.
Izoh (0)