O‘zbekistonliklar Latviyaga yuqori maosh evaziga ishga chaqirilmoqda. Bu haqda Migratsiya agentligi xabar berdi.
Unda aytilishicha, Migratsiya agentligi va Latviyaning “Sia Kreiss” korxonasi yuk avtomobili haydovchilari uchun bo‘sh ish o‘rinlarini taklif etmoqda. Ish turi: yuk avtomobili haydovchisi (E-kategoriya). Oylik 1,6 ming yevrodan ikki ming yevrogacha. Ish o‘rinlari soni 40 ta.
Nomzodlarga qanday talablar bor?
- 18-55 yosh oralig‘ida;
- rus tilini muloqot darajasida bilish;
- O‘zbekistondan chiqishga taqiqi bo‘lmasligi;
- kamida 1 yillik ish tajribaga ega bo‘lishi;
- sudlanmagan.
Fuqaro hisobidan:
- viza xarajatlari;
- aviachipta;
- Agentlik to‘lovi 10 BHM;
- ovqatlanish.
Ro‘yxatdan o‘tib anketa to‘ldirish
Bundan avval 2024-yil avgust oyida O‘zbekiston fuqarolari Latviyaga yuk avtomobillariga texnik xizmat ko‘rsatish mexanigi sifatida ishga taklif etilgandi.
Xorijdan ishga takliflar:
- Maosh 2,5 ming dollar: Hyundai kompaniyasi o‘zbekistonliklarni ishga oladi
- Maosh soatiga salkam 13 yevro: o‘zbekistonliklar Germaniyaga ishga taklif qilinmoqda
- O‘zbekistonliklar Polshaga ishga taklif qilinmoqda
Litva korxonalari bilan 200 nafar O‘zbekiston fuqarosini ishga joylashtirish to‘g‘risida kelishuvga erishilgandi. Shuningdek, o‘zbekistonliklar Yaponiyaga logistika, aeroport xizmati va yuk tashish yo‘nalishlarida ishga yuborilishi aytilgandi.
O‘zbekistonda 2018—2023-yillarda aholi daromadining 16 foizi migrantlar ulushiga to‘g‘ri kelgan. Chet ellarda ishlayotgan yurtdoshlar har yili O‘zbekistonga o‘n ikki-o‘n besh milliard dollar jo‘natadi.
