O‘zbekiston fuqarolari Latviyaga yuk avtomobillariga texnik xizmat ko‘rsatish mexanigi sifatida ishga taklif etilmoqda. Bu haqda Tashqi mehnat migratsiyasi xabar berdi.
Ish haqi dastlabki 3 oyda 1000 yevrodan bo‘ladi. Nomzodlar quyidagi talablarga javob berishi kerak:
- 25 - 40 yosh;
- rus yoki ingliz tilini bilish;
- soha bo‘yicha kamida 2 yillik tajriba;
- og‘ir yuk tashuvchi avtomobillarga texnik xizmat ko‘rsatish bo‘yicha qo‘llanmalardan foydalanish;
- yuk avtomobil qismlari va kuzovi bilan ishlash;
- og‘ir yuk tashuvchi avtomobil diagnostika uskunalaridan foydalanish.
Ish beruvchi tomonidan sug‘urta amalga oshirilib, hujjatlar va ish ruxsatnomalari ro‘yxatdan o‘tkaziladi. Fuqaro hisobidan esa quyidagilar talab etiladi:
- agentlik xizmatlari, o‘qitish va ko‘niktirish;
- viza uchun to‘lov;
- aviachipta;
- ovqatlanish;
- yashash joyi ijarasi.
Quyidagi havola orqali ish o‘rni bo‘yicha to‘liq ma’lumot olish va ro‘yxatdan o‘tish mumkin. Ro‘yxatdan o‘tish 16-avgust soat 18:10 dan 20-avgust soat 18:00 gacha davom etadi.
Izoh (0)