So‘nggi yillarda Polsha mehnat bozori ko‘plab sohalarda malakali ishchi kuchi yetishmasligi muammosiga duch kelmoqda.
Polyaklar bu muammoni Markaziy Osiyo, xususan, o‘zbekistonlik ishchilar bilan hal qilmoqchi. Dziennik Wschodni jurnalida qayd etilishicha, Polsha ish beruvchilari o‘zbeklarni mehnatsevar, o‘z kasbini yaxshi ko‘radigan va intizomli, boshqa mutaxassisliklarni egallashga intiluvchan, deb biladi.
Dastlab, qurilish, ishlab chiqarish, logistika, mebel ishlab chiqarish sohasida fuqarolarni ishga jalb qilish rejalashtirilgan.
Nega aynan o‘zbekistonlilklar?
Jurnalda qayd etilishicha, Markaziy Osiyo, ayniqsa, O‘zbekiston xorijda yaxshi mehnat sharoitlarini qidirayotgan malakali ishchilarning ko‘pligi bilan ajralib turadi. Ilgari ishlash uchun Rossiyaga borgan o‘zbekistonliklar endilikda inson huquqlari tamoyillari va ishchilar huquqlari rioya etiladigan Yevropada ishlash istagini bildirmoqda. Polsha kompaniyalari buni inobatga olgan holda nafaqat mehnat bozoriga jalb etish mumkin bo‘lgan ishchilar borligi, balki ularning malakasini ham qadrlab, ushbu salohiyatdan ko‘proq foydalanmoqchi.
Shu maqsadda Worksol kabi Polsha bandlik agentliklari Polsha mehnat bozorida o‘sib borayotgan talabni qondirish uchun O‘zbekiston va Markaziy Osiyo davlatlaridan ishchilarni yo‘llash uchun keng imkoniyatlarni izlay boshladi. Worksol kompaniyasi O‘zbekistonda o‘z vakolatxonasini ham ochdi. U Namangan viloyatida joylashgan bo‘lib, kompaniyaning O‘zbekistondagi rasmiy Telegram kanali orqali aniq manzili va bog‘lanish uchun telefon raqamlarini olish mumkin.
Umuman, xorijda ishlash niyatida bo‘lganlar Migratsiya agentligining 1282 qisqa yoki 71 202-33-55, 71 200-00-61 telefon raqami orqali bog‘lanib, ma’lumot olishi mumkin.
O‘zbekiston fuqarolarining aksariyati ona tilidan tashqari rus tilida ham gaplashadi, bu esa polshalik ish beruvchilar bilan muloqotni osonlashtiradi. Chunki Polshaning ko‘plab korxonalariga ukrainlar, belaruslar, moldovanlar ham ishga jalb etilgani uchun rus tilida so‘zlashuvchi koordinatorlar bor.
Ma’lumotlarga ko‘ra, hozirgi vaqtda Polshada 20 mingdan ko‘proq o‘zbekistonlik bor.
Izoh (5)
Биз ёки мен Каримов Назар ПОЛШАГА ишга кетмокчиман кочон кетаман
Yoki bu Daryo rivoji uchun reklamani?Agar rost boʻlsa men ketishga tayyorman .
Bu ishonchli maʼlumotmi?Polshaga viza bermayaptiku!
Kimga murojat qilishimiz kerak iltimos javob yozing
Полшага иш юзасидан тулик малумотни кердан оламиз