Telegram kompaniyasi o‘z asoschisi Pavel Durov hibsga olinishi holati bo‘yicha oldindan harakat rejasini ishlab chiqqan. Bu haqda messenjer bosh direktori jurnalist Taker Karlsonga bergan intervyusida ma’lum qilgan.
![](/static/2024/08/25/photo_2024-08-25_21-58-40-K-gyocXy.jpg)
Durov tomonidan kelishilgan reja kutilmagan vaziyatlarda kompaniyaning ishini qo‘llab-quvvatlashga qaratilgan bir qator qadamlarni o‘z ichiga oladi. Messenjer asoschisining o‘zi turli davlatlar maxsus xizmatlari tomonidan bosimni his qilgani uchun hibsga olinish xavfini tushunishini aytgan.
Ushbu strategiyaga ko‘ra, 24-avgust kuni Parij aeroportida Pavel Durov qo‘lga olingandan so‘ng, Telegram ishlab chiquvchilar kengashi boshqaruvni o‘z zimmasiga olishi va ertasi kuni ertalab xizmatning uzluksiz ishlashini ta’minlashi kerak bo‘ladi. Durovning o‘ng qo‘li Dmitriy Butkin tomonidan tegishli reja tasdiqlangan. Telegram o‘z faoliyatini davom ettiradi va foydalanuvchilar aloqada qolishlari mumkin.
Telegram asoschisining hibsga olinishi
24-avgust kuni kechqurun Pavel Durov Ozarbayjondan xususiy samolyotda Parijning Le Burje aeroportiga qo‘nganida hibsga olindi. Fransiya ommaviy axborot vositalari ma’lumotlariga ko‘ra, bunga Telegram faoliyati sabab bo‘ldi.
Durov Telegramda moderatsiyaning yo‘qligi, ushbu tarmoqda sodir bo‘layotgan noqonuniy harakatlar, jumladan, giyohvand moddalarni tarqatish, bolalar pornografiyasi, firibgarlik va boshqa ayblovlar uchun qidiruvga berilgan. U fransuz huquq-tartibot organlari bilan hamkorlik qilmagani sababli unga hibsga olish orderi chiqarilgan. Fransiya fuqarosi sifatida Durovga 20 yilgacha qamoq jazosi tahdid solmoqda. U ekstraditsiya qilinishi mumkin emas.
Izoh (0)