Telegram компанияси ўз асосчиси Павел Дуров ҳибсга олиниши ҳолати бўйича олдиндан ҳаракат режасини ишлаб чиққан. Бу ҳақда мессенжер бош директори журналист Такер Карлсонга берган интервьюсида маълум қилган.
![](/static/2024/08/25/photo_2024-08-25_21-58-40-K-gyocXy.jpg)
Дуров томонидан келишилган режа кутилмаган вазиятларда компаниянинг ишини қўллаб-қувватлашга қаратилган бир қатор қадамларни ўз ичига олади. Мессенжер асосчисининг ўзи турли давлатлар махсус хизматлари томонидан босимни ҳис қилгани учун ҳибсга олиниш хавфини тушунишини айтган.
Ушбу стратегияга кўра, 24 август куни Париж аэропортида Павел Дуров қўлга олингандан сўнг, Telegram ишлаб чиқувчилар кенгаши бошқарувни ўз зиммасига олиши ва эртаси куни эрталаб хизматнинг узлуксиз ишлашини таъминлаши керак бўлади. Дуровнинг ўнг қўли Дмитрий Буткин томонидан тегишли режа тасдиқланган. Telegram ўз фаолиятини давом эттиради ва фойдаланувчилар алоқада қолишлари мумкин.
Telegram асосчисининг ҳибсга олиниши
24 август куни кечқурун Павел Дуров Озарбайжондан хусусий самолётда Парижнинг Ле Бурже аэропортига қўнганида ҳибсга олинди. Франция оммавий ахборот воситалари маълумотларига кўра, бунга Telegram фаолияти сабаб бўлди.
Дуров Telegramда модерациянинг йўқлиги, ушбу тармоқда содир бўлаётган ноқонуний ҳаракатлар, жумладан, гиёҳванд моддаларни тарқатиш, болалар порнографияси, фирибгарлик ва бошқа айбловлар учун қидирувга берилган. У француз ҳуқуқ-тартибот органлари билан ҳамкорлик қилмагани сабабли унга ҳибсга олиш ордери чиқарилган. Франция фуқароси сифатида Дуровга 20 йилгача қамоқ жазоси таҳдид солмоқда. У экстрадиция қилиниши мумкин эмас.
Изоҳ (0)