Bundesliga. “Bavariya” safarda raqibini mag‘lub etdi va musobaqa peshqadamligini qaytarib oldi 

Futbol bo‘yicha Germaniya Bundesligasining 23-turida “Bavariya” 4-fevral, shanba kuni “Shtutgart”ga qarshi bahs olib bordi.

Uchrashuvning 39-daqiqasida Matteys de Ligt hisobni ochdi. 62-daqiqada Erik Shupo-Moting myunxenliklarning ikkinchi goliga mualliflik qildi. 88-daqiqada esa Xuan Perea hisobni qisqartirdi. Biroq bu gol “Shtutgart”ga yetarli bo‘lmadi.

Yulian Nagelsmann jamoasi ochkolari sonini 49 taga yetkazib, musobaqa peshqadamligini qo‘lga oldi. Ikkinchi o‘rindagi “Borussiya D” hisobida ham 49 ochko mavjud. 

Bundesliga

23-tur bahsi

4-mart, shanba

“Shtutgart” – “Bavariya” 1:2

Gollar: 0:1 – 39 de Ligt, 0:2 – 62 Shupo-Moting, 1:2 – 88 Perea.

“Shtutgart”: Bredlov, Anton, Zagadu (Narti, 85), Mavropanos, Ito, Karazor (Miyo, 85), Xaraguti, Endo, Jil Diash (Kulibali, 46), Fyurix (Tiagu Tomash, 74), Mvumpa (Perea, 74).

“Bavariya”: Zommer, Stanishich, Upamekano, de Ligt, Goretska (Gravenberx, 82), Kimmix, Devis, Shupo-Moting (Mane, 63), Myuller (Pavar, 82), Koman (Gnabri, 63), Musiala (Sane, 63).