Eng yaxshi talabalar Yevropa va AQSHda amaliyot o‘taydilar, shuningdek, IT-mahsulotlarni ishlab chiqish bo‘yicha jahon yetakchilaridan biri bo‘lgan EPAM kompaniyasidan ish takliflarini oladilar.
IT Park University - gibrid taʼlim shakliga ega, yuqori texnologiyali raqamli universitetdir. Universitet Prezident Shavkat Mirziyoyev topshirig‘iga binoan, xalqaro miqyosdagi yuqori malakali kadrlar tayyorlash maqsadida tashkil etilgan. IT va kommunikatsiyalarni rivojlantirish vazirligi qoshidagi IT Park va EPAM xalqaro kompaniyasi universitet asoschilari bo‘lishdi.
IT Park University 20 yillik tajribaga ega yangi universitetdir. U o‘tgan yili ochilgan bo‘lsada, ammo o‘quv dasturlari EPAMʼning eng yaxshi taʼlim qarorlariga asoslangan. Kompaniya 20 yildan buyon butun dunyo bo‘ylab talab yuqori bo‘lgan IT-mutaxassislarini tayyorlab kelmoqda. Bizda allaqachon boshqa universitetlar talabalari, ilg‘or dasturlar bo‘yicha xalqaro jamoalarning amaliyotchi muhandislaridan bilim olish uchun IT Park Universityʼga ko‘chirilgan holatlar bo‘lgan, — deb taʼkidladi Bohodir Ayupov.
Talabalar uyda ham, universitetning butun O‘zbekiston bo‘ylab ochilgan filiallarida ham shug‘ullanishlari mumkin. Shu bilan bir qatorda, IT-mutaxassislarining Toshkent va viloyatlarda o‘tkaziladigan workshopʼlaridan foydalanish imkoniyatiga ham ega bo‘ladilar.
.jpg)
Talabalarga individual yordam IT Park Universityʼning hududiy kuratorlari tomonidan ko‘rsatiladi, ular yuzaga kelgan muammolarni hal qilishda yordam berishadi. Ko‘pincha talabalar ularga o‘quv jarayoniga oid masalalar yechimi bo‘yicha, ota-onalar esa farzandlarining akademik natijalari tahlili va karyera yo‘llarini aniqlash uchun murojaat qilishadi.
Ismoilova Rahima, talaba, Xorazm
O‘tgan yili IT Park Universityʼga o‘qishga kirdim. Onlayn taʼlim qulay format. Meni uydan ketishimga, oilamga esa Toshkentda turar joy ijarasi uchun qo‘shimcha xarajatlarni ko‘tarishiga to‘g‘ri kelmadi. Undan tashqari, poytaxtda yashash narxi mening ona shahrimnikiga nisbatan qimmatroq. Ota-onam men begona shaharda yolg‘iz yashayapdi deb tashvishlanib o‘tirishmaydi. Ular o‘zlarini xotirjam his qilayotganlarini aytishadi, shu bilan birga men ham orzu qilgan mutaxassisligimni egallayman. Kelajakda men saytlar va ilovalar uchun interfeyslar yaratib, Front-end dasturchisi sifatida ishlashni rejalashtiryapman. Raqamlashtirish tezligini hisobga olsak, bu mutaxassislik talabgir va yaxshi haq to‘lanadiganligicha qoladi.
Bakalavriatda o‘qish 3 yil davom etadi (General Track). O‘qishni tugatgandan so‘ng “Dasturiy muhandislik” mutaxassisligi bo‘yicha davlat tomonidan tasdiqlangan diplom beriladi. Dastlabki uch semestr asosiy IT fanlarni o‘z ichiga oladi. 4-semestrda eng yaxshi talabalar chuqurlashtirilgan dasturga (Advanced Track) o‘tish imkoniyatiga ega bo‘ladilar. Ular qo‘shimcha tarzda avtomatlashtirilgan test, front-end yoki back-end dasturlashni o‘rganadilar.
Asosiy fanlarni EPAMʼning butun dunyo bo‘ylab amaliyotchi mutaxassislari olib borishadi, shuning uchun maʼruzalar onlayn shaklda o‘tkaziladi.
O‘quv dasturlari kuchli amaliy bazani shakllantirishga qaratilgan. Ular doimiy ravishda yangilanib, yetakchi xalqaro korporatsiyalarda amalda qo‘llaniladigan bilimlar bilan to‘ldirib boriladi.
Ilyosov Sarvar, talaba, Toshkent
Universitet tanlashda men uchun o‘qituvchilar jamoasi tarkibi muhim edi. IT sanoati tezlik bilan o‘zgarmoqda, yangi vositalar va uslublar joriy etilmoqda. Men 3 yil qattiq o‘qib, keyin ishga kirganimda olgan bilimlarim eskirganligini va buni hozir hech kim qilmasligini bilishni xohlamasdim. IT Park University o‘qituvchilar sifatida dunyo bo‘ylab taniqli kompaniyalar uchun mahsulotlar ishlab chiqaruvchi kuchli dasturchilar va muhandislarni jalb qildi. Ular darslarda o‘z tajribalaridan kelib chiqib misollar va topshiriqlar beradilar. Buning yordamida biz haqiqatan ham kerakli bo‘lgan bilimlarga ega bo‘lamiz. Taʼlim berish darajasi haqida tasavvurga ega bo‘lish uchun, siz EPAM kompaniyasi qanday mijozlar bilan ishlayotganini googleʼga yozib ko‘rishingiz mumkin.
Birinchi o‘quv yilida asosiy eʼtibor ingliz tilini o‘rganishga qaratiladi. Abituriyent Intermediate darajasi bilan kirgan bo‘lsa ham, u o‘z bilimini kerakli darajaga oshiradi va o‘quv materialini samarali o‘zlashtiradi, xorijiy manbalarni o‘rganadi va keyinchalik xalqaro jamoalarda muloqot qiladi. Universitetda maʼruzalar ingliz tilida olib boriladi.
Qanday qilib IT Park Universityʼda talaba bo‘lish mumkin
- “my.itpu.uz” saytidagi shaxsiy kabinetingiz orqali ariza yuboring;
- Shaxsiy kabinetingizda kirish imtihonlariga ro‘yxatdan o‘ting;
- Shartnomani imzolang va to‘lovni amalga oshiring;
- O‘qishga kirganingiz haqida buyruq oling va o‘qishni boshlang.
.jpg)
Kirish imtihoni quyidagilardan iborat:
- matematika bo‘yicha test;
- ingliz tili bo‘yicha test. Amaldagi IELTS sertifikati (5.0 yoki undan yuqori) yoki unga teng bo‘lgan sertifikat abituriyentni ushbu test sinovidan ozod qiladi.
Taʼlim narxi yiliga 15 million so‘m.
Sayt orqali IT Park University haqida ko‘proq maʼlumot olishingiz va kirish imtihoniga ro‘yxatdan o‘tishingiz mumkin.
Reklama huquqi asosida.
Izoh (0)