Bugun,

  • USD 11095.31
  • RUB 173.84
  • EUR 10772.44

Rossiya prezidenti Vladimir Putin moskvalik deputatlar iltimosiga qaramay, safarbarlikning yakunlanishi haqida farmon imzolamoqchi emas. Bu haqda uning matbuot kotibi Dmitriy Peskov kundalik brifingda ma’lum qildi.

Foto: “TASS”

Foto: “TASS”

“Biz bu borada hamma narsani tushuntirib berganmiz, shuning uchun hech qanday novatsiyalar yo‘q”, — dedi Peskov Moskva shahar dumasi deputatlarining tegishli farmon chiqarish haqida Putinga yuborilgan murojaatini izohlar ekan.

Shuningdek, Peskov safarbarlikning ikkinchi to‘lqini boshlanishi mumkinligi haqidagi xabarlarga e’tibor qaratmaslikka chaqirib, “mudofaa vazirligi va prezidentdan kelib tushayotgan axborotga urg‘u berish”ni taklif qildi. U bunday xabarlarni “provokatsion” deb atadi.

2022-yil sentabrida, Rossiyada safarbarlik boshlanishidan taxminan bir oy avval, Dmitriy Peskov bunday bo‘lmasligiga ishontirgandi. “Hozirgi paytda yo‘q, bu haqda hech qanday gap yo‘q”, — degan edi u.

Moskva shahar dumasining KPRF, “Yabloko” va “Adolatli Rossiya” partiyalaridan deputatlari noyabr oxirida Putindan safarbarlikni yakunlash haqida farmon chiqarishni so‘ragan, buni joriy vaziyatda Rossiyaning ko‘pchilik fuqarolari “o‘zining va o‘z oilasining kelajagini rejalashtira olmayotgani hamda odatiy hayot tarzini olib bora olmayotgani” bilan izohlagan edi.

Kremlda safarbarlikni yakunlash haqida alohida farmon talab etilmasligi ta’kidlab, Putinning bunga “nuqta qo‘yilgani” haqidagi gaplariga ishonishga chaqirishmoqda. Mustaqil huquqshunoslar qayd etishicha, prezidentning og‘zaki bayonoti yetarli emas.

Putin va Mudofaa vazirligining safarbarlik “yakunlangani” haqidagi bayonotlaridan keyin, Rossiyaning turli hududlarida aholi urushga olib ketilayotgani haqida xabarlar paydo bo‘lishda davom etmoqda.

Izoh
Asosiy yangiliklar
Mahalliy
Nukus voqealari bo‘yicha uch nafar huquqni muhofaza qiluvchi organ xodimi qamoqqa olindi 
Dunyo
G7 davlatlari Xitoy, Shimoliy Koreya va Eronga qarshi sanksiyalar tayyorlamoqda — Bloomberg
Mahalliy
Oʻzbekistonning yanvar oyidagi budjet daromadi ochiqlandi