Rossiya mudofaa vaziri Sergey Shoygu Ukrainani Zaporojye atom elektr stansiyasiga qilingan hujumlarda aybladi va buni “yadroviy terrorizm” deb baholadi. Bu haqda “TASS” xabar berdi.
Shoyguning so‘zlariga ko‘ra, Rossiya atom elektr stansiyasi xavfsizligini ta’minlash uchun barcha choralarni ko‘rmoqda, Ukraina esa uni maqsadli ravishda o‘qqa tutishda davom etib, “yadroviy falokat tahdidi ko‘rinishini yaratishga intilmoqda”.
Mudofaa vaziri, shuningdek, u so‘nggi ikki hafta ichida Ukraina obyektiga 33 ta yirik kalibrli raketa otganini, ularning aksariyati Rossiya havo hujumidan mudofaa tizimlari tomonidan tutib olinganini aytdi.
“Ukraina qo‘shinlarining bu hujumlarini yadroviy terrorizm deb baholaymiz”, — deydi Shoygu.
Vazir noyabr oyida Ukraina 8,3 mingdan ortiq harbiy xizmatchi va 460 dan ortiq texnikani yo‘qotganini qo‘shimcha qildi. Ukraina urush boshidan buyon 10—13 ming nafar askari halok bo‘lganini ma’lum qilgan. Yevrokomissiya esa Urushda 100 ming ukrainalik askar va 20 ming tinch aholi halok bo‘lganini ta’kidlagan.
Izoh (0)