Bugun,

  • USD 11095.31
  • RUB 173.84
  • EUR 10772.44

Nyu-York ma’muriyati kalamushlarga qarshi kurash bo‘yicha shahar xizmati rahbari lavozimiga nomzodlar qidirilayotgani haqida rasmiy e’lon berdi, bunga megapolisga kalamushlar hujumi bilan bog‘liq mushkul muammo sabab bo‘ldi.

Foto: Getty Images

Foto: Getty Images

“Aynan siz kemiruvchilarga qarshi kurash bo‘yicha boshliq lavozimida bizga bu kalamushlarni shahardan quvib yuborishda yordam berishingiz mumkin. Agar sizda qotil institnkti bo‘lsa, bugunoq ariza bering”, — deb yozdi shahar meri Erik Adams Twitter’da.

Lavozim rasman “shahardagi kemiruvchilarga qarshi kurash bo‘yicha direktor” deb nomlanadi. Bunday mutaxassis “kalamushlarni tiyib turishi va nazorat qilishi” kerak bo‘ladi, deyiladi e’londa.

“Kemiruvchilar kasalliklar tarqatadi, uylarga, elektr simlariga zarar yetkazadi… Kalamushlarga ishga qabul qilish haqidagi bu e’lon xush kelmaydi, ammo 8,8 million nyu-yorkliklar, sizning shahringiz hukumati kalamushlar sonini qisqartirish, tozalikni oshirish va kasalliklar tarqalishining oldini olish yo‘lida siz bilan ishlashga tayyor”, — deyiladi Nyu-York ma’muriyati xabarida.

Ushbu lavozimga da’vogarlar ogohlantirilishicha, ular kecha-yu kunduz ishlashiga to‘g‘ri keladi. Uning vazifalariga kalamushlarga qarshi kurash bo‘yicha ishni muvofiqlashtirish, tegishli strategiyani ishlab chiqish hamda shahar hukumati va mutaxassislar bilan hamkorlik qilish kiradi. Kalamushlarga qarshi kurashuvchining yillik maoshi 120—170 ming dollar oralig‘ida bo‘ladi.

Nyu-Yorkda kalamushlar 1700-yillardan buyon yashab keladi, ular Yevropadan ko‘chib kelgan kishilar tomonidan keltirilgan. Avvalgi yillarda megapolis hukumati kemiruvchilarga qarshi kurashga millionlab dollar mablag‘ yo‘naltirishga va’da bergandi. Shu paytgacha qo‘llanilgan choralar, shu jumladan, kalamushlarni itlar yordamida qirib tashlash usuli samarali bo‘lib chiqmadi.

Ayni paytda esa ijtimoiy tarmoqlarda Nyu-York kalamushlari bilan bog‘liq shov-shuvli video tarqalmoqda. Unda “ko‘cha ovqati” sifatida grilda pishirilayotgan kalamushlarni ko‘rish mumkin.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi