Bugun,

  • USD 11095.31
  • RUB 173.84
  • EUR 10772.44

Birlashgan Millatlar Tashkiloti (BMT) 1-dekabr kuni kelasi yilda muhtojlarga yordam berish uchun 51,5 milliard dollar so‘radi. Bu tashkilot tomonidan so‘ralgan mablag‘larning rekord miqdori.

Foto: Bloomberg

Foto: Bloomberg

Bosh kotibning gumanitar masalalar bo‘yicha o‘rinbosari va BMTning favqulodda vaziyatlarda yordam ko‘rsatish bo‘yicha koordinatori Martin Griffitsning aytishicha, dunyoning 70 dan ortiq davlatidagi 230 million aholiga yordam berish uchun shuncha mablag‘ kerak.

2022-yilga nisbatan BMT tomonidan so‘ralgan mablag‘ miqdori 25 foizga oshgan. Tashkilot hisob-kitoblariga ko‘ra, 2022-yilda unga muhtoj odamlar soni 65 million kishiga oshgan. Bu birinchi navbatda Ukrainadagi harbiy amaliyotlar, COVID-19 pandemiyasi va iqlim o‘zgarishi bilan bog‘liq.

2023-yilda Ukraina BMT yordamini oluvchi asosiy davlat bo‘ladi, dedi janob Griffits. Uning so‘zlariga ko‘ra, kelgusi yilda tashkilot mamlakatga yordam berish uchun 5,7 milliard dollar ajratishni kutmoqda.

Shu bilan birga, janob Griffits BMTdan so‘ralgan miqdorni olish “juda qiyin” bo‘lishini ta’kidladi. Misol uchun, joriy yilda tashkilot dastlab belgilangan miqdorning atigi 47 foizini yig‘ishga muvaffaq bo‘ldi.

Ma’lumotlarga ko‘ra, 2022-yilda dunyo bo‘ylab 100 milliondan ortiq odam o‘z uyini tashlab ketishga majbur bo‘lgan. 

Bundan tashqari 53 mamlakatda kamida 222 million kishi joriy yil oxirigacha oziq-ovqat bilan bog‘liq jiddiy muammolarga duch keladi. Kelgusi yilda 37 mamlakatda 45 million odam ochlikdan o‘lish xavfi ostida.

BMT asososan belgilangan va ixtiyoriy badallar hisobidan moliyalashtiriladi. Badallarni BMTga a’zo barcha davlatlar to‘lashi kerak bo‘ladi.

Avvalroq Dunyoda real ish haqi 20 yil ichida birinchi marta pasaygani haqida xabar berilgan edi.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?