Bugun,

  • USD 11095.31
  • RUB 173.84
  • EUR 10772.44

Surxondaryo hokimi boshchiligidagi delegatsiya Rossiya Federatsiyasi hududlari bilan tashqi savdo aloqalarini rivojlantirish, hududning iqtisodiy salohiyatini namoyish etish, investitsiya va turizmga oid taqdimotlar o‘tkazish maqsadida Tataristonda bo‘lib turibdi. Bu haqda “Daryo”ga viloyat hokimligi axborot xizmati rahbari Murodbek Davlatov xabar berdi.

Foto: Surxondaryo viloyati hokimligi

Foto: Surxondaryo viloyati hokimligi
Ma’lum qilinishicha, tashrifning birinchi kuni viloyat hokimi To‘ra Bobolov Qozon shahrida Tatariston respublikasi prezidenti Rustam Minnixanov bilan uchrashgan.
Shundan so‘ng, delegatsiya a’zolari ishtirokida kengaytirilgan tarzda muzokaralar o‘tkazilib, Tatariston Respublikasi va Surxondaryo viloyati o‘rtasida tashqi savdo aloqalarini rivojlantirish, iqtisodiy, investitsiyaviy va turizm sohalarida o‘zaro hamkorlikni rivojlantirish masalalari muhokama qilindi. Muzokaralar chog‘ida viloyat hokimi To‘ra Bobolov va Rustam Minnixanov Tatariston va Surxondaryo viloyati korxonalari o‘rtasidagi o‘zaro hamkorlik, tovar va xizmatlarni o‘zaro yetkazib berishni kengaytirish hamda gumanitar aloqalarni mustahkamlash masalalarini muhokama qildi, — deydi viloyat hokimligi axborot xizmati rahbari.

Foto: Surxondaryo viloyati hokimligi

Foto: Surxondaryo viloyati hokimligi

Uchrashuvda Rustam Minnixanov Tatariston Surxondaryo viloyati bilan hamkorlikni yana-da rivojlantirishdan manfaatdor ekanligini, so‘nggi yillarda o‘zbekistonlik hamkorlar bilan aloqalar faol rivojlanib, o‘tgan yilgi tovar ayirboshlash hajmi qariyb 200 million dollarni tashkil etgan bo‘lsa, joriy yilning birinchi yarmida ushbu ko‘rsatkich 34 foizga o‘sganligini ta’kidlagan.

Viloyatimiz delegatsiyasining Qozon shahriga safari doirasida Tatariston Respublikasining Savdo-sanoat palatasida ishbilarmon doira vakillari bilan uchrashuvi, Qishloq xo‘jaligi va oziq-ovqat vazirligida mas’ullar bilan muzokaralari hamda Tataristonning iqtisodiy va sarmoyaviy salohiyati taqdimoti bo‘lib o‘tadigan Yagona taqdimot markazi, yuqori texnologiyalar sohasidagi texnopark – IT-park, shuningdek, Qozon federal universitetiga tashrifi rejalashtirilgan, — deydi Murodbek Davlatov.

Izoh
Asosiy yangiliklar
Mahalliy
Toshkentda Turkiyadagi zilziladan jabr ko‘rganlar uchun yordam qabul qilinmoqda
Shou-biznes
Qashshoq oilada tug‘ilgan bo‘lsa ham, hayotda o‘z o‘rniga ega bo‘lishni uddalagan Gollivud yulduzlari (foto)
Dunyo
“Stalindan keyingi ikkinchi odam” — Malenkovning hokimiyatdan chetlatilishi, boshi tanasidan judo etilgan Shotlandiya qirolichasi va Kanadada to‘qnashgan ikki poye...