Toshkent viloyati Bekobod tumanida yer maydoni savdosi bilan bog‘liq firibgarlik holati fosh etildi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departament hamda DXXning Bekobod shahar bo‘limlari tomonidan tezkor tadbir o‘tkazilgan. Unda fuqaro G‘.F. (muqaddam sudlangan) fuqaro M.S.ning ishonchiga kirib, go‘yoki yuqori lavozimda ishlovchi tanishlari yordamida “Y.D.” fermer xo‘jaligiga qarashli “Metallurg” MFY hududidagi 10 sotix yer maydonini uning nomiga rasmiylashtirib olib berishini aytgani aniqlangan. G‘.F. xizmati evaziga 20 000 dollarni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)