VietJet Air Vyetnamdan Toshkentga arzon narxlarda reyslarni yo‘lga qo‘yadi
VietJet Air aviakompaniyasi 26-dekabrdan 2023-yil 23-martgacha Kamran—Toshkent—Kamran yo‘nalishi bo‘yicha to‘g‘ridan to‘g‘ri reyslarni yo‘lga qo‘yadi. Tegishli kelishuv aviatashuvchi va O‘zbekiston Airports o‘rtasida imzolandi.
Keltirilishicha, parvozlar 367 nafar yo‘lovchiga mo‘ljallangan A-330 samolyotlarida amalga oshiriladi. Birinchi bosqichda parvozlar haftada bir marta charter asosida tashkil etiladi. Bunga parallel ravishda O‘zbekiston va Vyetnam o‘rtasida muntazam aviaqatnovlarni yo‘lga qo‘yish bo‘yicha muzokaralar olib borilmoqda.
Ma’lumot uchun, VietJet Air qatnovlarni arzon narxda amalga oshiruvchi xalqaro kompaniya bo‘lib, Vyetnamda tashkil etilgan birinchi xususiy aviakompaniyaning bosh qarorgohi Xoshimin shahrida joylashgan. AirlinesRating sayt reytingiga ko‘ra, VietJet Air besh yil davomida (2017—2021-yillar) eng arzon narxlarda tashuvchi aviakompaniya sifatida e’tirof etilgan.
Mavzuga doir:
- Finnair aviakompaniyasi Skandinaviya mamlakatlaridan O‘zbekistonga aviaqatnovlarni yo‘lga qo‘ymoqchi
- Red Wings Toshkentdan Stavropol va Ufaga parvozlarni yo‘lga qo‘yadi
- Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi
