Ozarbayjon Armanistonga tinchlik shartnomasi bo‘yicha takliflar berdi

Armaniston tashqi ishlar vaziri Ararat Mirzoyan Yerevan Ozarbayjonning tinchlik shartnomasi bo‘yicha javobini olganini ma’lum qildi. Bu haqda Armenpress agentligi xabar berdi.

“Biz Ozarbayjonga munosabatlarni normallashtirish bo‘yicha o‘z takliflarimizni yoki tinchlik shartnomasi loyihasini taqdim etdik. Ularning javobini esa 27-noyabr kuni oldik”, — deydi Mirzoyan.

Uning ta’kidlashicha, muhokamalar davom etmoqda va Armaniston imkon qadar tezroq konsensusga erishishga umid qilmoqda. Bu jarayonda xalqaro hamkorlarning vositachilik sa’y-harakatlari ham muhim rol o‘ynashi mumkin.

Rasmiy Yerevan muzokaralarni davom ettirish bo‘yicha kelishuvlarga sodiq ekanini ta’kidladi. U oktyabr oyi boshida Pragada bo‘lib o‘tgan muzokaralar chog‘ida Ozarbayjon tomoni bilan navbatdagi uchrashuvni o‘tkazish bo‘yicha kelishuvga erishilganini qo‘shimcha qildi.

Takliflar 7-noyabr kuni ikki davlat tashqi ishlar vazirlarining Vashingtondagi uchrashuvida kiritildi. 25-noyabr kuni Armaniston Tashqi ishlar vazirligi matbuot kotibi Vaan Unanyan Yerevan hali Bokudan javob olmaganini aytdi.

Mirzoyan, shuningdek, Armaniston uch tomonlama kelishuvlar va xalqaro huquqlar bo‘yicha bunday majburiyatlar bo‘lmaganiga qaramay, o‘zida mavjud bo‘lgan barcha mina maydonlari xaritalarini bir tomonlama tartibda Ozarbayjonga topshirganini ta’kidladi. Mazkur xaritalarni ochishda yordam berishga tayyorligini bildirdi.

Oktabr oyida Rossiya prezidenti Vladimir Putin va Armaniston bosh vaziri Nikol Pashinyan uchrashib, Qorabog‘dagi vaziyatni muhokama qilgandi.