Bugun,

  • USD 11095.31
  • RUB 173.84
  • EUR 10772.44

Berkshire Hathaway rahbari, milliarder investor Uorren Baffet o‘z kompaniyasining 758 million dollarlik aksiyalarini xayriya ishlariga sovg‘a qildi. Bu haqda sarmoya fondi hisobotlariga tayanib Bloomberg xabar bermoqda.

Foto; Bloomberg

Foto; Bloomberg

Hujjatga ko‘ra, Baffet biznesmenning 2004-yilda vafot etgan rafiqasi nomi bilan atalgan Syuzan Tompson Baffet jamg‘armasiga 1,5 million dona B toifali aksiyalarni xayriya qilgan. 

Milliarder Govard G. Baffet fondiga (Baffetning o‘rtancha o‘g‘li Xovard tomonidan boshqariladigan), Shervud fondiga va NoVo fondiga yana 300 mingta aksiyani sovg‘a qilgan.

Avgust oyida 92 yoshga to‘lgan Baffet Forbes talqiniga ko‘ra sayyoradagi eng boy biznesmenlar orasida beshinchi o‘rinda turadi. Uning boyligi 110,2 milliard dollarga baholangan. Milliarder 1965-yildan beri Berkshire Hathaway kompaniyasini boshqarib keladi.

2006-yilda u investitsiya kompaniyasidagi barcha aksiyalarini, ya’ni boyligining 99 foizdan ortig‘ini umrining oxirigacha xayriya ishlariga topshirishga va’da bergandi. 

2021-yil iyun oyida Baffet o‘z maqsadining 50 foiziga erishganini ma’lum qildi. Milliarderning ta’kidlashicha, o‘zi yoki oilasi uchun haqiqiy foyda keltirmaydigan pullarni tarqatish “dunyodagi eng oson ish”. 

O‘nlab yillar davomida men o‘zim yoqtirgan ish bilan shug‘ullanib, deyarli aql bovar qilmaydigan boylikni to‘pladim, — deydi Baffet.

Avvalroq Amazon asoschisi o‘z boyligining katta qismini xayriya qilmoqchiligini ma’lum qilgandi.

Izoh
Asosiy yangiliklar
Mahalliy
Namanganda ijtimoiy tarmoqlarda so‘kingan audiosi tarqalgan tuman hokimiga hayfsan berildi
Mahalliy
Turkiyaning TRT kanali Luvr muzeyidan Katta Langar Qur’oni namoyishiga oid reportaj tayyorladi (video)
Mahalliy
Kovidning yangi varianti bolalar va homiladorlarda qanday kechmoqda?