Ummon sultonligining turizm sohasiga ixtisoslashgan “Wejhatt” gazetasi internet sahifasida O‘zbekistonning ziyorat turizm sohasidagi imkoniyatlariga bag‘ishlangan maqola chop etildi, deb xabar bermoqda “Dunyo” axborot agentligi.
Qayd etilishicha, gazetada O‘zbekiston Turizm va madaniy meros vazirligi tomonidan amalga oshirilayotgan sa’y-harakatlar, jumladan, mamlakatga sayohat qilishga qiziqish oshayotgan islom davlatlari bilan rivojlantirilayotgan hamkorlik, sohaga joriy qilinayotgan innovatsion yechimlar to‘g‘risidagi ma’lumot havola etilgan.
“O‘zbekiston ko‘plab davlatlar fuqarolariga taqdim etilayotgan vizasiz kirish tartibi va sayohat qilish uchun yaratilayotgan qulayliklar bo‘yicha yetakchi turistik hudud maqomiga ega bo‘lmoqda. Jumladan, 65 ta davlat fuqarolari uchun 30 kunlik vizasiz kirish 77 ta davlat fuqarolari uchun esa soddalashtirilgan elektron viza tizimlarini joriy etilgani sayohatchilarga qo‘shimcha imtiyozlar bermoqda”, — deb yozgan muallif.
Islom hamkorlik tashkilotiga a’zo davlatlar tomonidan Xiva shahri “Islom olamining turizm poytaxti” etib saylangani, BMT Butunjahon sayyohlik tashkilotining navbatdagi sessiyasi 2023-yil Samarqand shahrida o‘tkazilishi ma’lum qilingan.
Izoh (0)