Qashqadaryo viloyatining Qamashi tumanida 11-sinf o‘quvchisi deputat va uning o‘g‘illari tomonidan o‘lasi qilib kaltaklangani aytilmoqda.
“Daryo” kaltaklangan o‘quvchining otasi Baxtiyor Qilichev bilan bog‘landi. Aytilishicha, voqea kecha, 3-noyabr kuni viloyatning Qamashi tumanidagi “Qamay” MFY “Mirzadala” qishlog‘ida sodir bo‘lgan.
O‘g‘lim ham yoshlik qilgan, to‘g‘ri, buni inkor qilmayman. Ammo kap-katta odam, deputat yosh bolani o‘g‘illari bilan birikib, o‘lasi qilib urishi to‘g‘rimi? O‘g‘lim o‘lib qolsa nima bo‘lardi?, — deydi kaltaklangan o‘quvchining otasi Baxtiyor Qilichev.
Kaltaklangan bolaning otasiga ko‘ra, uning farzandi Elshod Keldiyorov deputatning nabirasi bilan uchrashuvga chiqqan.
Deputatning uyi yopiq va kirish imkoni bo‘lmagan uy. Uning nabirasi va o‘g‘lim uchrashuvga chiqqan. Qiz o‘g‘limni uyiga kiritgan. Buni deputat ko‘rib qolgan va ikki nafar o‘g‘li bilan 11-sinf o‘g‘limni o‘lgudek kaltaklagan. O‘g‘lim qon qusgan. Hozir shifoxonada davolanmoqda, — deydi kaltaklangan bolaning otasi.“Daryo” o‘quvchini kaltaklagani aytilgan deputat, Panji Nurtoyev bilan telefon orqali bog‘lanib, o‘quvchini kaltaklashining sababi bilan qiziqdi.
Deputat jurnalist so‘roviga javoban uni haqorat qilib, tilga olib bo‘lmaydigan so‘zlar ishlatgan. Va savollarga javob bermagan. “Daryo” deputatning axloqsiz so‘zlari va jurnalistni haqorat qilgani borasida alohida to‘xtaladi.
Izoh (0)