Toshkent viloyatidagi “Farhod” chegara bojxona postida 1,3 million rublni yashirib olib o‘tmoqchi bo‘lgan shaxs ushlandi. Bu haqda Bojxona qo‘mitasi matbuot xizmati xabar berdi.
Ma’lum qilinishicha, bojxona postiga piyoda kirib kelgan fuqaro bojxonachilar tomonidan shubha ostiga olingan. Uni to‘xtatilib shaxsiy ko‘rikdan o‘tkazmoqchi bo‘linganida, bojxona xodimlariga bo‘ysunmasdan postning chiqish zalidan qochib ketayotgan vaqtida chegara naryad xodimlari yordamida to‘xtatib qolingan.
U ikki xolislar ishtirokida alohida xonada shaxsiy ko‘rikdan o‘tkazilganida ushbu fuqaro enidagi qora rangli nimcha kurtkasining cho‘ntaklari ichidan bojxona xodimlariga og‘zaki ma’lum qilinmagan hamda yo‘lovchi bojxona deklaratsiyasida yozib ko‘rsatilmagan jami 1 million 350 ming Rossiya rubli borligi aniqlangan.
Hozirda mazkur holat yuzasidan bojxona organlari tomonidan surishtiruv harakatlari davom etmoqda.
Mavzuga doir: Andijonda fuqaro 17 ming dollarni Qirg‘izistonga noqonuniy olib o‘tishga urindi
Izoh (0)