Bugun,

  • USD 11095.31
  • RUB 173.84
  • EUR 10772.44

Davlat statistika qo‘mitasi 2022-yil yanvar—sentabr oylari bo‘yicha chakana savdo aylanmasini e’lon qildi.

Foto: “Daryo” / Madina Nurman

Foto: “Daryo” / Madina Nurman

Mamlakat bo‘yicha chakana savdo aylanmasi 214 trln so‘mni tashkil etdi. Bu 2021-yilning yanvar—sentabr oylariga nisbatan 10,8 foizga ko‘p.

Barcha hududlarda o‘sish sur’atlari kuzatildi. Tarkibiy qismlari 70 foiz kichik biznes va xususiy tadbirkorlik subyektlari, 21,7 foiz yirik korxonalar va 8,3 foizi uyushmagan savdo hissasiga to‘g‘ri keldi.

Tovar aylanmasida eng yuqori ulush Toshkent shahrida — 25,5 foiz, ya’ni 54,5 trln so‘m bo‘lgan.

Mamlakat chakana savdo tovar aylanmasida eng quyi ulushni Sirdaryo viloyati 1,5 foiz bilan 3,2 trln so‘mni tashkil etdi.

Yirik korxonalarning tovar aylanmasi hajmi, 2021-yilning yanvar—sentabr oylariga nisbatan 28,7 foizga o‘sdi. Bu 46,3 trln so‘mga teng. Bu esa umumiy savdo hajmining 21,7 foiz ulushiga to‘g‘ri keldi.

Kichik biznes va xususiy tadbirkorlik subyektlari chakana savdo tovar aylanmasi hajmi 167,7 trln so‘mni tashkil etib, 2021-yilning yanvar—sentabr oylariga nisbatan 20,1 foizga ko‘paydi. Davlat miqyosida ushbu sektorning jami ulushi 78,3 foizni tashkil etdi.

Kichik biznes va xususiy tadbirkorlik subyektlari ulushi bo‘yicha Surxondaryo (92,3 foiz), Sirdaryo (92 foiz), Namangan (91,5 foiz) viloyatlari yetakchilik qilmoqda.

Yirik korxonalarning ulushi 21,7 foizni tashkil etib, eng katta ulush Toshkent shahrida (40 foiz), Toshkent (27,1 foiz) va Samarqand (20,8 foiz) viloyatlarida kuzatildi.

2022-yilning yanvar—sentabr oylari holatiga ko‘ra, o‘rtacha aholi jon boshiga chakana savdo tovar aylanmasi 6,02 mln so‘mni tashkil etdi. Bu ko‘rsatkich 2021-yilning mos davriga nisbatan 8,6 foizga oshgan.

Izoh
Asosiy yangiliklar
Dunyo
NATO Afg‘oniston uchun ajratilgan 3,4 mlrd dollarni Ukrainaga berishi mumkin — Politico
Mahalliy
O‘zbekistonda o‘zini o‘zi band qilganlar soni e’lon qilindi. Ularning safiga qanday qo‘shilish mumkin?
Mahalliy
Qarshida 13 yoshli qizni urib yuborib, voqea joyidan qochib ketgan Cobalt haydovchi topildi