Ukraina prezidenti ofisi rahbari maslahatchisi Mixail Podolyak o‘z Twitter sahifasi orqali Starlink bilan hamkorlikning davom ettirilishini ta’kidladi.
“Tan olaylik: xohlaysizmi yoki yo‘qmi, Ilon Mask urushning eng og‘ir damlarida bizga yordam berdi. Korxonalar o‘z strategiyalaridan foydalanish huquqiga ega. Ukraina Starlink o‘z ishini davom ettirishi uchun yechim topadi”, — deb yozdi prezident ofisi rahbari maslahatchisi Mixail Podolyak.
Shuningdek, Podolyak Rossiya prezidenti Vladimir Putinning urush ochilganidan afsuslanmasligi haqidagi nutqiga izoh berib o‘tdi.
“Putinning pushaymon emasligi va urushning muqarrarligi haqidagi bayonoti — javobgarlikdan voz kechish. Ukraina hech kimga hujum qilmadi. NATO ham. Rossiya boshqa davlatga bostirib kirdi, shaharlarni dahshatga soldi va odamlarni qatl qildi. Agar Rossiya istamaganda, hech qanday urush bo‘lmasdi”, — deydi Ukraina prezidenti ofisi rahbari.
Mavzuga doir: “Hech narsadan afsusda emasman” — Putin Ukrainadagi urush va ommaviy o‘qqa tutishlar haqida gapirdi (video)
Izoh (0)