Bugun,

  • USD 11095.31
  • RUB 173.84
  • EUR 10772.44

Aktyor va rejissor Ma’ruf Otajonov turk kino yulduzi Burak O‘zchivit bilan birgalikda “Qurilish: Usmon” deb nomlangan tarixiy serialda mo‘g‘ul imperatori Geyhatu rolini ijro etmoqda.

Foto: “Daryo”

Foto: “Daryo”

Aktyor Ma’ruf Otajonov “Daryo” muxbiri Feruz Muhammadga bergan qisqa intervyusida ushbu roli uchun turk kinoijodkorlaridan qancha gonorar olayotganiga oydinlik kiritdi.

Foto: Instagram / @atvturkiye

Foto: Instagram / @atvturkiye
O‘zbek aktyorlarining darajasi ancha baland. Maktab jihatidan olib qaraydigan bo‘lsak ham bizning aktyorlar ko‘plardan ancha ustun turadi. Lekin bizni o‘zimizning odamlarimiz, o‘zimizning boshliqlarimiz, o‘zimiz aslida turishimiz kerak bo‘lgan darajaga olib chiqmayapti. Bizga negadir ishonqiramay qarashmoqda. Aktyorlarimiz esa mahorat jihatidan juda ham kuchli hisoblanadi.

Men maqtanmay gapiraman. Agar yomon aktyor bo‘lganimda, Turkiyada suratga olinayotgan “Qurilish: Usmon” serialining uchta qismidan so‘ng haydab yuborishardi. Rahmat Ma’ruf abi, derdi, bo‘ldi. Chunki serial suratga olish boshlanganida serialning uchta qismiga taklif qilinganman xolos. Mana ushbu serialda uchinchi yil, to‘rtinchi mavsumgacha rol ijro qilib kelmoqdaman. Aytmoqchi bo‘lganim, bizni aktyorlarimizga dunyo tan bermoqda. Masalan Gollivud aktyori Armand Assante o‘zbek rejissori Bahodir Yo‘ldoshevga, Abdulatif tarixiy obrazini gavdalantirgan Javohir Zokirovga tan berdi. Mening yuzimga qarab, “sen shuncha dardni qayerdan olyapsan”, deb so‘ragandi, “men hech qayerdan olmayapman, bizning o‘zbek maktabimiz shunday tarbiyalagan”, deb javob bergan edim.

Bu ma’lumotni hech qayerda yashirmayman. Bizda gonorar miqdori juda kam. Misol uchun, meni o‘zbek kinosiga syomkaga chaqirishsa, bir oy ichida bir million so‘m, uzog‘i bilan bir yarim million so‘m, agar juda bir hurmat qilishsa, ikki million so‘m pul berishadi.

Turkiyadagi tarixiy serialdan esa bir hafta ichida yigirma million, o‘ttiz million so‘m gonorar olaman. Buni yashirmayman. Bu bizning aktyorlarimizga bo‘lgan hurmatdan deb o‘ylayman.

Turk ijodkorlarini gonorar berish borasida yana bir zo‘r jihati bor. Siz deylik ular bilan bir haftaga 30 million so‘mga shartnoma tuzgansiz, lekin syomka tugaganida yana besh million so‘m qo‘shimcha mukofot puli ham berishadi. Yo‘l va Turkiyada yashash xarajatlarini o‘zlari qoplab berishadi.

Yaqinda syomkadan qaytayotganimda gonorarimdan tashqari, olishim kerak bo‘lgan pulning yarmi miqdorida pul berib, “Ma’ruf abi, sen sabab biz yanada yaxshi muvaffaqiyatga erishyapmiz”, deyishdi. “Bu narsani albatta o‘zbek kinosidagilarga borib yetkazaman”, dedim. Bu gapni ko‘pchilikka aytyapman. Gapim kimgadir yoqyapti, kimgadir yoqmayapti.

Ma’ruf Otajonov, aktyor, kaskadyor, rejissor

Foto: Instagram / @atvturkiye

Foto: Instagram / @atvturkiye

Izoh
Asosiy yangiliklar
Mahalliy
Qarshida Cobalt haydovchisi 13 yoshli qizni urib yuborib, voqea joyidan qochib ketdi (video)
Mahalliy
Nogiron fuqaroning bo‘yniga zanjir bog‘langani aks etgan video yuzasidan izoh berildi
Mahalliy
O‘zbekistonning katta qismida hafta oxiriga borib anomal sovuq bo‘lishi kutilmoqda