Toshkent viloyatida fuqaroni hamshiralikka ishga kiritishni va’da qilib, undan 1000 dollar olgan tibbiy og‘a ushlandi
Toshkent viloyati Ohangaron tumanida ishga kiritib qo‘yishni va’da qilgan shaxs ushlandi. Bu haqda Iqtisodiy jinoyatlarga qarshi kurashish departamenti xabar bermoqda.
Ma’lum qilinishicha, Bosh prokuratura huzuridagi departament hamda DXXning Ohangaron tumani bo‘limlari tomonidan tezkor tadbir o‘tkazilgan. Unda “Ohangaron Muruvvat nogironligi bo‘lgan shaxslar uchun erkaklar internat uyi”da tibbiyot og‘asi vazifasida ishlovchi J.R. fuqaro Sh.ni 2 ming dollar evaziga ushbu internetga hamshira vazifasiga ishga kiritib qo‘yishni va’da qilib, oldindan 1000 dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda “prava” olish uchun imtihondan o‘tkazib qo‘ymoqchi bo‘lgan boshliq o‘rinbosari qo‘lga tushdi
- “Toshkent metropoliteni”ning ming dollar pora olgan xodimi qamaldi
