Bugun,

  • USD 11095.31
  • RUB 173.84
  • EUR 10772.44

Italiyaning “Roma” klubi noyabr oyida Yaponiyaga safar qilishini ma’lum qildi.

Foto: Getty Images

Foto: Getty Images

Rimliklar Yaponiyada EuroJapan Cup turnirida ishtirok etadi. Joze Mourinyo jamoasi 22-noyabr kuni Yaponiyaga uchib ketadi.

Osiyodagi birinchi o‘yin 25-noyabr kuni “Toyota” stadionida “Nagoya Grampus” klubiga qarshi bo‘lib o‘tadi.

Konferensiyalar Ligasining amaldagi g‘olibi ikkinchi o‘yinini 28-noyabr kuni Tokiodagi milliy stadionda “Yokogama F.Marinos”ga qarshi o‘tkazadi.

Ushbu musobaqa haqida “Roma” bosh murabbiyi Joze Mourinyo o‘z fikrlarini bildirib o‘tdi.

Shogirdlarimni noyabr oyida Yaponiyada o‘tkaziladigan EuroJapan Cup ga olib borishimdan mamnunman.

J-Ligasining ikki mashhur va kuchli vakillari “Nagoya Grampus” va “Yokogama F.Marinos”ga qarshi bo‘ladigan o‘yinlarni intiqlik bilan kutyapman.

Yaponiyaga avvalgi tashriflarimdan yorqin xotiralar qolgan va u yerdagi muxlislar futbolni qanday yaxshi ko‘rishini bilaman. Shuning uchun yana bir bor mamlakatga tashrif buyurish yoqimli. Futbolchilarim uchun ham ajoyib muxlislar oldida kuchli raqiblarini sinab olishi uchun yaxshi imkoniyat bo‘ladi.

Ushbu ikki uchrashuv 2004-yilning yozida mavsumoldi yig‘inlardagi “Tokio” bilan o‘yindan keyin deyarli 20 yil ichidagi ilk tashrifimga sabab bo‘ladi.

Joze Mourinyo, “Roma” bosh murabbiyi

Musobaqaga 100 mingdan ortiq muxlis tashrif buyurishi kutilmoqda: “Toyota” stadioni sig‘imi 42 ming muxlisga mo‘ljallangan, mamlakat milliy stadioni esa 68 ming tomoshabinni sig‘dira oladi.

Izoh
Asosiy yangiliklar
Dunyo
Suriyadagi kurdlar Rossiyadan hududlarini himoya qilishda yordam so‘radi
Mahalliy
O‘zbekistonda 2023-yilda meva va sabzavotlar narxi jiddiy o‘sishi kutilmoqda
Dunyo
Kim Chen Ir topshirig‘i bilan uyushtirilgan terakt, samolyot boshqarib halokatga uchragan “Formula-1” chempioni va nemislar tomonidan qatl etilgan Kosmodemyanskaya...