“Barselona” vitse-prezidenti iqtisodiy holat haqida: “Biz jamoani qutqarib qoldik, biroq barcha muammolar hal etilmadi”

“Barselona” vitse-prezidenti klubning iqtisodiy holati haqidagi savollarga javob berdi.

Biz “Barselona”ni qutqarib qoldi, biroq barcha muammolar hal bo‘lmadi. Hali to‘liq tiklanmadik. Bizga qat’iy tejamkorlik kerak, moliyaviy masalalarda qattiqqo‘lroq bo‘lish lozim. Oldinda qilinadigan ishlar ko‘p.

Klub yaqin besh yil ichida tiklanadi. 2024/25-yilgi mavsumda allaqachon o‘z darajamizda bo‘lamiz.

Bizda maosh to‘lay olmagan va qaytadan qarz olishga majbur bo‘lgan davrlarimiz bo‘lgan. Lekin tinchlandik va o‘z vazifalarimizni bajardik.

Klub nafaqat boshqaruv falokatiga uchradi va beqaror iqtisodiy vaziyatga tushib qoldi (avvalgi rahbariyatdan keyin), balki, asosiy homiylar bilan ham kurashishga majbur bo‘ldi. Vaziyatni o‘nglash ancha qiyin bo‘ldi.

Eduard Romeu, “Barselona” vitse-prezidenti

Eslatib o‘tamiz, ishonchni oqlay olmagan “Barselona”ning sobiq prezidenti Bartomeu 2020-yilning oktabrida muddatidan avval iste’fo bergach, “Barselona” prezidentligi lavozimi bo‘shab qolgandi. 2021-yilning mart oyida Xoan Laporta ikkinchi marta prezidentlik lavozimini egalladi.