Bugun,

  • USD 11095.31
  • RUB 173.84
  • EUR 10772.44

Farg‘ona viloyatida ikki nafar IIB xodimi fuqaroni avvaliga bo‘g‘ib, so‘ngra tepkilagani ko‘ringan video tarqalgandi. Oliy sud matbuot kotibi holat yuzasidan munosabat bildirdi.

Kadr: Telegram

Kadr: Telegram

Qayd etilishicha, Farg‘ona shahridagi holat yuzasidan profilaktika inspektorlari M.A. va B.T. Jinoyat kodeksining 206-moddasi (hokimiyat yoki mansab vakolati doirasidan chetga chiqish) 1-qismida nazarda tutilgan jinoyatni sodir etganlikda aybli deb topilib, jinoyat ishlari bo‘yicha Yozyovon tumani sudining 2022-yil 14-martdagi hukmi bilan har ikkisiga nisbatan ish haqining 30 foizini davlat daromadiga ushlab qolgan holda 2 yil muddatga axloq tuzatish ishlari jazosi tayinlangan.

Mazkur jinoyat ishi viloyat sudining jinoyat ishlari bo‘yicha apellyatsiya instansiyasida qayta ko‘rib chiqilib, 2022-yil 23-avgustdagi chiqarilgan hukmga ko‘ra M.A. va B.T.ning xatti-harakatlarida jinoyat alomatlari mavjud emasligi sababli aybsiz deb topilib, ularning har ikkisi Jinoyat-protsessual kodeksining 83-moddasi (reabilitatsiya uchun asoslar) 2-bandiga asosan reabilitatsiya qilingan.

Farg‘ona viloyati prokurori tomonidan Oliy sudning jinoyat ishlari bo‘yicha sudlov hay’atiga viloyat sudi jinoyat ishlari bo‘yicha apellyatsiya instansiyasining 2022-yil 23-avgustdagi hukmi ustidan kassatsiya tartibida protest keltirilgan bo‘lib, ushbu protest belgilangan tartibda ko‘rib chiqish uchun rasmiylashtirilmoqda.

Ushbu jinoyat ishi Oliy sudda kassatsiya tartibida ko‘rilishi bo‘yicha sud jarayoni yakuni yuzasidan batafsil axborot beriladi, — deyiladi xabarda.
Ichki ishlar vazirligi axborot xizmati rahbari Shohrux G‘iyosovning ma’lumot berishicha, voqea yuzasidan sud qarori chiqqan va unda xodimlarning harakatlarida jinoyat alomatlari yo‘q deb topilgan.

Oliy Majlis deputati Rasul Kusherbayev esa fuqaroni avvaliga bo‘g‘ib, so‘ngra tepkilagan IIB xodimlariga nisbatan oqlov hukmini chiqargan sud haqida fikr bildirib, “Yashasin odil sud” deya post qoldirgan.

Izoh

Комил

28 sentabr, 22:44

ИИВ ходимларини 1 шапалок урса жиноий жавобгарликка тортиб яна канчадир жарима килишади. Оддий халкни йикитиб тепаласа хам жиноят булмайдими? Яшасин одил суд!

Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi