Namanganda 27 500 voltli tok urgan 9-sinf o‘quvchisi tirik qoldi

Namanganda ijtimoy tarmoqda mashhur bo‘lishni ko‘zlagan 9-sinf o‘quvchisi tok urishidan jarohat oldi. Bu haqda viloyat IIB matbuot xizmati xabar berdi.

Ma’lum qilinishicha, voqea 19-sentabr kuni soat 19:05 larda Namangan tumani “Mirishkor” mahallasi hududidan o‘tgan o‘tuvchi To‘raqo‘rg‘on—Rauston bekatlari oralig‘ida yuz bergan. 2006-yilda tug‘ilgan bola ijtimoiy tarmoqdagi kuzatuvchilari sonini oshirish va mashurlikka erishish maqsadida poyezd yo‘lida o‘rnatilgan elektr simyog‘ochga chiqib suratga tushmoqchi bo‘lganida 27 500 volt kuchlanishdagi elektr toki urgan.

Oqibatda jarohat olgan bola tuman tez tibbiy yordam bo‘limining jonlantirish bo‘limiga yotqizilgan. Shifokorning so‘zlariga ko‘ra, bola reanimatsiya bo‘limiga yotqizilganda shok holatida bo‘lgan. Ko‘rsatilgan tibbiy yordamlardan so‘ng shok holatidan chiqarilgan. Ayni paytda uning ahvoli stabil bo‘lib, rejali muolajalarni olmoqda.

Mavzuga doir: 

• Toshkent viloyatida yuk poyezdi ustiga chiqqan maktab o‘quvchilarini tok urdi
• Andijonda temiryo‘l vagoni ustiga chiqqan 13 yoshli bolani yuqori kuchlanishli elektr toki urdi