Bugun,

  • USD 11095.31
  • RUB 173.84
  • EUR 10772.44

Jahonning birinchi raqamli shaxmatchisi Magnus Karlsen o‘zi va Hans Nimann bilan bog‘liq voqealar yuzasidan bayonot berdi.

Foto: Getty Images

Foto: Getty Images

Sentabr oyi boshida o‘tkazilgan Sinkfild Kubogida grossmeysterlar 3-turda o‘zaro bellashdi. Oq donalarda harakat qilgan Karlsen mazkur bahsda sensatsion mag‘lubiyatni qabul qilib oldi va uning 53 o‘yindan iborat mag‘lubiyatsiz seriyasiga barham berildi. Norvegiyalik shaxmat ustasi ushbu partiyadan so‘ng hech qanday izohsiz musobaqani tark etdi.

Ko‘pchilik Karlsen raqibidan aldov ishlatganlikda gumon qilganini aytdi. Gap shundaki Nimann shu vaqtga qadar qoidalarga zid bo‘lgan dasturlardan foydalangan, biroq onlayn platformalarda va buning uchun jazolangan ham.

Magnus bu voqeadan bir necha hafta o‘tib Champions Chess Tour onlayn shaxmat musobaqasida 19 yoshli shaxmatchi bilan yana to‘qnash keldi. Bu safar qora donalarda harakat qilgan norveg raqibining ikkita yurishidan keyin onlayn platformani tark etdi.

Skrin: “Sports.ru”

Skrin: “Sports.ru”

Amaldagi jahon chempionining bu harakatlari sabab barcha ma’lum bo‘lib turgan bo‘lsa-da, rasmiy izoh berilmayotgani ayrim e’tirozlarni keltirib chiqarayotgandi. Karlsen o‘z harakatlariga quyidagicha izoh berdi:

Sinkfild Kubogida Hans Nimannga qarshi 3-tur o‘yinidan so‘ng turnirni tark etish borasida keskin qaror qabul qildim. Bir hafta o‘tgach, Champions Chess Tour musobaqasida Nimannga qarshi o‘yinda bitta yurishdan so‘ng taslim bo‘ldim.

Bilaman, mening xatti-harakatlarim shaxmat jamoatchiligida ko‘pchilikni xafa qilgan. Hafsalam pir bo‘ldi. Shaxmat o‘ynashni xohlayman. Men shaxmatni eng yaxshi turnirlarda eng yuqori saviyada davom ettirmoqchiman.

Shaxmatda aldov katta muammo va o‘yin uchun xavf tug‘diradi deb hisoblayman. Shuningdek, turnir tashkilotchilari va biz sevadigan o‘yin yaxlitligi haqida qayg‘uradigan barcha shaxslar xavfsizlik choralarini kuchaytirish va shaxmat taxtasida firibgarlikni aniqlash usullarini jiddiy o‘ylab ko‘rishlari kerak deb hisoblayman.

Nimann so‘nggi lahzalarda Sinkfild Kubogiga taklif qilinganida men musobaqani tark etish haqida jiddiy o‘yladim. Lekin baribir o‘ynashga qaror qildim.

Menimcha, Nimann omma oldida tan olganidan ko‘ra ko‘proq aldagan. Uning o‘zini tutishi g‘ayrioddiy edi, Sinkfild Kubogidagi o‘yinimiz davomida uning bosimni umuman his qilmagani va hattoki, tanqidiy pozitsiyalarda o‘ynashga to‘liq e’tibor qaratmagani, kam sonli o‘yinchilar qila oladigan ya’ni meni qora donalarda mag‘lub etgani hayron qoldirdi. Bu o‘yin mening nuqtayi nazarimni o‘zgartirishga yordam berdi.

Firibgarliklar borasida nimadir qilish kerak va o‘z navbatida, men o‘tmishda qayta-qayta aldagan odamlarga qarshi o‘ynashni xohlamayman, chunki ular kelajakda yana nimaga qodir bo‘lishini bilmayman.

Yana bir narsani aytmoqchiman. Afsuski, men hozirda Nimanning roziligisiz biror narsa gapirishim cheklangan. Shu vaqtga qadar faqat o‘z harakatlarim bilan gapira olardim va bu harakatlarim Nimann bilan shaxmat o‘ynashni istamayotganimni aniq ko‘rsatib turardi.

Bu boradagi haqiqat nima bo‘lishidan qat’i nazar oshkor bo‘ladi deb umid qilaman.

Magnus Karlsen, shaxmat bo‘yicha jahon chempioni

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi