Bugun,

  • USD 11095.31
  • RUB 173.84
  • EUR 10772.44

Ukrainadagi mojaroning barcha tomonlari noyabr oyida Janubi-Sharqiy Osiyoda bo‘lib o‘tadigan uchta sammitda yechim variantlarini muhokama qilishi mumkin. Bu g‘oyani Tailand bosh vaziri o‘rinbosari va tashqi ishlar vaziri Don Pramatvinay taklif qildi.

Foto: “Vzglyad.az”

Foto: “Vzglyad.az”

“Ehtimoliy yechimni noyabr oyida topish mumkin, bu vaqtda Ukraina inqirozining barcha manfaatdor tomonlari Janubi-Sharqiy Osiyodagi uchta maydonda yig‘ilishi uchun ajoyib imkoniyat yaratiladi”, — dedi u.

Vazir ziddiyatdagi mamlakatlar rahbarlarini Pnompendagi Janubi-Sharqiy Osiyo davlatlari assotsiatsiyasi sammiti, Balidagi G20 va Bangkokdagi Osiyo-Tinch okeani iqtisodiy hamkorligi yig‘ilishida vaziyatni muhokama qilishga chaqirdi.

Uning qo‘shimcha qilishicha, agar davlat rahbarlari imkoniyatni boy bermasa, BMT bu jarayonga albatta qo‘shiladi.

G20 sammiti 15—16-noyabr kunlari Balida bo‘lib o‘tadi. Indoneziya aprel oyida G20 yetakchilariga taklif yuborgan edi. Rossiya tomoni prezident Vladimir Putinning ishtirokini tasdiqlagan. Biroq Kremlning aniqlik kiritishicha, sammitda ishtirok etish formati (shaxsan yoki videoaloqa orqali) bo‘yicha qaror barcha omillar, jumladan, xavfsizlik omili asosida qabul qilinadi.

Ukraina G20 a’zosi bo‘lmasa-da, prezidenti Vladimir Zelenskiy ham sammitga taklif olgan. Bloomberg’ning yozishicha, bunday taklif Putin yig‘ilishga taklif qilinganidan keyin ba’zi a’zo davlatlar, jumladan, AQSH tomonidan kiritilgan. AQSH Milliy xavfsizlik kengashi agar Putin yig‘ilishga shaxsan qatnashsa, Zelenskiyni sammitga kelishga chaqirdi.

Izoh
Asosiy yangiliklar
Mahalliy
“Bizning jamiyatda seni la’natlangan yoki axloqi buzuq odam deb o‘ylashar edi” — vujudida OIV bilan yashayotgan insonlar hikoyalarini jamlagan “Hayot davom etadi”
Maslahatlar
Bir necha daqiqa ichida djinsi kiyimlardan yog‘ dog‘larini tozalashga yordam beradigan usullar
Mahalliy
Surxondaryoda “Jiguli” qo‘ylar podasini urib yubordi