O‘zbekiston 2022-yilning yanvar—avgust oylarida xorijdan qiymati 46,4 mln dollarga teng bo‘lgan 1 499 dona elektromobillar import qilgan. Bu haqda Davlat statistika qo‘mitasi xabar bermoqda.
Joriy yilda elektromobillar importi 2021-yilning mos davriga nisbatan solishtirilganda 1 003 donaga ko‘paygan.
2021-yilning ilk 8 oyida qiymati 9,2 mln dollarlik 501 dona elektromobil olib kelingan edi.
O‘zbekiston joriy yilning yanvar—avgust oylarida mobaynida eng ko‘p elektromobillar Xitoydan olib kelingan — 1,3 ming dona. O‘tgan yilning mos davrida bu ko‘rsatkich 443 taga teng bo‘lgan edi.
Shuningdek, 2021-yilda Turkiya 24 ta elektromobil bilan ikkinchi o‘rinda bo‘lgan edi. Joriy yilda esa 110 dona elektromobil bilan BAA bu pog‘onani egalladi.
Germaniyadan O‘zbekistonga yil boshidan beri 34 ta elektromobil olib kelingan bo‘lib, uchinchhi o‘rinda qayd etildi. O‘tgan yilda bu ko‘rsatkich 7 dona edi.
Avvalroq O‘zbekistonda quyosh energiyasidan foydalangan holda elektromobillarni quvvatlovchi qurilma yaratilgan edi.
Izoh (0)