Ўзбекистон 2022 йилнинг январь—август ойларида хориждан қиймати 46,4 млн долларга тенг бўлган 1 499 дона электромобиллар импорт қилган. Бу ҳақда Давлат статистика қўмитаси хабар бермоқда.
Жорий йилда электромобиллар импорти 2021 йилнинг мос даврига нисбатан солиштирилганда 1 003 донага кўпайган.
2021 йилнинг илк 8 ойида қиймати 9,2 млн долларлик 501 дона электромобиль олиб келинган эди.
Ўзбекистон жорий йилнинг январь—август ойларида мобайнида энг кўп электромобиллар Хитойдан олиб келинган — 1,3 минг дона. Ўтган йилнинг мос даврида бу кўрсаткич 443 тага тенг бўлган эди.
Шунингдек, 2021 йилда Туркия 24 та электромобиль билан иккинчи ўринда бўлган эди. Жорий йилда эса 110 дона электромобиль билан БАА бу поғонани эгаллади.
Германиядан Ўзбекистонга йил бошидан бери 34 та электромобиль олиб келинган бўлиб, учинчҳи ўринда қайд этилди. Ўтган йилда бу кўрсаткич 7 дона эди.
Аввалроқ Ўзбекистонда қуёш энергиясидан фойдаланган ҳолда электромобилларни қувватловчи қурилма яратилган эди.
Изоҳ (0)