Rajab Toyyib Erdo‘g‘on Samarqandga yetib keldi

Shavkat Mirziyoyevning taklifiga binoan Turkiya Respublikasi prezidenti Rajab Toyyib Erdo‘g‘on 15-sentabr kuni Samarqandga keldi. Bu haqda Prezident matbuot xizmati xabar qildi.

Qayd etilishicha, aeroportda uni O‘zbekiston bosh vaziri Abdulla Aripov kutib olgan.

Oliy martabali mehmon Hazrati Xizr majmuasidagi Islom Karimov maqbarasiga kelib, birinchi prezident xotirasiga hurmat bajo keltirgan va qabriga gul qo‘ygan.

Turkiya yetakchisining tashrifi dasturida Shanxay hamkorlik tashkiloti Davlat rahbarlari kengashi majlisida faxriy mehmon sifatida ishtirok etish hamda qator ikki tomonlama uchrashuvlar o‘tkazish rejalashtirilgan.