Bugun,

  • USD 10940.05
  • RUB 182.26
  • EUR 11121.65

Farg‘onada sobiq hamshira uy sharoitida ukol qilishi oqibatida qizaloq vafot etdi. Bu haqda “Sevimli” telekanalining “Zamon” informatsion dasturida xabar qilindi.

Ma’lum qilinishicha, voqea Uchko‘prik tumanida sodir bo‘lgan. 1988—2000-yillarda tuman tibbiyot birlashmasida hamshira bo‘lib ishlagan, sog‘lig‘i yomonlashgach, ishlamay qo‘ygan ayol qishloqdoshlarining iltimosi bilan uy sharoitida shifokor buyurgan ukollarni qilib kelgan.

Ovsinining kelini ham qizi betob ekanini aytib, shifokor yozib bergan ukollarni qilib berishini iltimos qilgan. Ayol unga yo‘q deyolmagan va shifokor tavsiya qilgan “Seftoks” nomli kukunni 10 gramm “Novokain” bilan eritgan va eritmaning 0,1 grammini qizaloqning chap quymuch qismiga sinama tarzda yuborgan.

Oradan 3-4 daqiqa o‘tgach, qiz qorni og‘riyotganini aytib, qayt qilib yuborgan va sal o‘tmay hushini yo‘qotgan. Qiz Buvayda tuman Tez tibbiy yordam bo‘limi 9-sonli shoxobchasiga olib borilayotgan vaqtda vafot etgan.

Sud tibbiy ekspertizasining xulosasiga ko‘ra, qizaloqqa “Seftoks-Novokain” eritmasi yuborilganda nojo‘ya tasir qilishi oqibatida allergik reaksiyani yuzaga keltirgan va nafas yo‘llari berkilib qolgan. Uy sharoitida mazkur holatning oldini olishda foydalaniladigan dori vositalari yo‘qligi sabab o‘lim qayd etilgan.

Holat yuzasidan yuritilgan ish Jinoyat ishlari bo‘yicha Qo‘qon shahar sudida ko‘rib chiqilib, sudlanuvchiga nisbatan Jinoyat kodeksining 102-moddasi (ehtiyotsizlik orqasidan odam o‘ldirish) 1-qismi bilan malakalanib, uning ayol kishi ekani, muqaddam sudlanmagani, jabrlanuvchi qonuniy vakilining unga nisbatan da’vosi yo‘qligi yengillashtiruvchi holat sifatida inobatga olinib, 2 yil muddatga ozodlikni cheklash jazosi tayinlangan.

Izoh
Asosiy yangiliklar
Mahalliy
Navoiydagi ko‘p qavatli uylarda lift muammosi: aholi lift ishlamayapti desa, mas’ullar uning to‘xtatilishiga lift ichidagi o‘g‘rilik, fohishabozlik sabab demoqda
Mahalliy
“Daryo” kundaligida 26-sentabrda sodir bo‘lgan eng muhim voqealar
Mahalliy
“Toshkent hokimligi barcha OAV vakillari bilan ishlashga tayyor va hozirjavob bo‘ladi”. Zoir Mirzayevning matbuot kotibi jurnalistlar bilan muloqot qildi