Fuqarolar tomonidan 1148 ishonch telefoniga kelib tushgan qiziqarli va aktual savollarga javob berilmoqda. Jumladan, foydalanuvchilardan biri “Davlat xizmati ko‘rsatilganligi uchun to‘lov va bojlarni to‘lashda 10 foizlik chegirmadan qanday foydalanish mumkin?” deya savol bilan murojaat qilgan.
Qayd etilishicha, davlat xizmatlari uchun davlat bojlarini yoki yig‘imlarni to‘lashda 10 foizlik chegirmadan foydalanish uchun my.gov.uz portalidan ro‘yxatdan o‘tib, kerakli xizmatni topish va undan foydalanishning o‘zi kifoya. Bunda foydalanuvchiga to‘lanadigan davlat boji yoki yig‘im uchun qancha mablag‘ to‘lanishi kerakligi, o‘z-o‘zidan chegirmani hisobga olgan holda taqdim etiladi.
Huquqiy asos: “Davlat boji to‘g‘risida”gi qonunga muvofiq, har qanday davlat xizmatini olish, shu jumladan litsenziya, ruxsatnoma olish, davlat ro‘yxatidan o‘tish va boshqa xizmatlar uchun O‘zbekiston Respublikasi Yagona interaktiv davlat xizmatlari portali orqali mustaqil ravishda murojaat etilganda davlat boji, yig‘imlar va boshqa to‘lovlar Davlat xizmatlari markazlari orqali yoki xizmat ko‘rsatuvchi organlarga bevosita murojaat etilgan taqdirda to‘lanadigan summaning 90 foizi miqdorida undiriladi.
Izoh (0)