Teridan ishlanadigan mahsulotlar, kiyim-kechak, aksessuarlar va parfyumeriya ishlab chiqarishga ixtisoslashgan Ispaniyaning Loewe moda uyi qora rangdagi, shakli qayiqni eslatuvchi tuflilarni ishlab chiqardi, deb xabar berdi “Korrespondent.net” nashri.
Unda poshna o‘rniga yorqin qizil rangdagi havo shari o‘rnatilgan.
Poshna o‘rniga pufak qo‘yilgan oyoq kiyimining vazni bir kilogrammdan oshadi. Moda uyining rasmiy saytida bir juft poyabzal narxi 1100 dollarni tashkil qiladi.
Qayd etilishicha, “poshna”ning rangi amerikalik fantastik yo‘nalishda ijod qiluvchi yozuvchi Stiven Kingning romanidagi yovuz masxaraboz Pennivayzning to‘p rangini takrorlaydi.
Tufli sigir terisining yumshoq qismidan tikilgan va to‘qqiz santimetrlik poshnaga ega. Oyoq kiyimining og‘irligi 1,06 kilogrammni tashkil qiladi.
Mavzuga doir:
- Poshnali tufli zararli, krossovka foydalimi? Shifokor oyoq salomatligi haqidagi qarashlarni qanday izohlaydi?
- Poshnali poyabzal badali: baland tufli kiyishi oyog‘i bilan bog‘liq turli muammolarga sabab bo‘lgan yulduzlar (foto).
- Bottega Veneta brendi Yangi yilga bag‘ishlangan tufli modelini taqdim qildi.
Izoh (0)