Gollivud yulduzi Nikolas Keyj va uning rafiqasi Riko Shibata farzandli bo‘ldi. Juftlikning oilasida qiz farzand dunyoga keldi, chaqaloqqa Franchesko deb ism qo‘yildi, deb xabar berdi Peopletalk nashri.
2022-yilning boshida Nikolas Keyj o‘z muxlislariga xushxabar aytgandi, ya’ni u rafiqasi Riko Shibataning farzand kutayotganini ma’lum qilgan edi. Nikolas va Riko ilk bor 2020-yilda birga ko‘rinish bergan edi. Oradan bir yil o‘tgach, aktyor FaceTime orqali sevgilisiga turmush qurishni taklif qildi va pochta orqali qora brilliant uzuk yubordi. Bir oy o‘tgach, juftlik Las-Vegasdagi Wynn kazinosida to‘ylarini o‘tkazdi. Bu Nikolas Keyjning beshinchi turmushi hisoblanadi. U 1995-yildan 2001-yilgacha Patrisiya Arkett, 2002-yildan 2004-yilgacha Liza Mari Presli, 2004-yildan 2016-yilgacha Elis Kim va 2019-yilda to‘rt kundan kamroq muddatga Erika Koike bilan turmush qurgan.
Nikolas Keyjning oldingi nikohlaridan ikki farzandi: o‘g‘illari Kal-El va Ueston bor.
Ma’lumot uchun, Nikolas Keyj 1967-yilning 7-yanvar sanasida AQSHning Kaliforniya shtatida tug‘ilgan. Aktyor kino olamidagi faoliyati davomida “Oskar” va “Oltin globus” mukofotlariga sazovor bo‘lgan. Uning ishtirokidagi “O‘g‘irlangan”, “Alomat”, “G‘azab”, “Kreyser” filmlari dunyo bo‘ylab millionlab muxlislarning qalbidan joy olgan.
Mavzuga doir:
- Elizabet Teylor, Nikolas Keyj va ko‘p marta turmush qurgan Gollivud yulduzlari (foto).
- Taniqli aktyor Nikolas Keyj 57 yoshida beshinchi marotaba oila qurdi (foto).
- Gal Gadot, Skarlett Yoxansson, Nikolas Keyj va kinolarda tashqi ko‘rinishi kompyuter yordamida o‘zgartirilgan boshqa yulduzlar (foto).
- Nikolas Keyj ilk marta serialda suratga tushadi. U hayvonlar himoyachisi o‘limini buyurtma qilgan hayvonot bog‘i egasini gavdalantiradi.
Izoh (0)