OFK Kubogi. “So‘g‘diyona” markaziy mintaqa finalida Tojikiston klubini tor-mor etdi
Futbol bo‘yicha OFK Kubogi Markaziy mintaqa hududiy final uchrashuvida “So‘g‘diyona” 17-avgust, chorshanba kuni “Xo‘jand” bilan bahs olib bordi.
Uchrashuv o‘zbekistonliklarning hujumkor o‘yini bilan boshlandi. 14-daqiqada Jasur Hasanov hisobni ochdi. Oradan 7 daqiqa o‘tib, Hasanov dublni rasmiylashtirdi. 30-daqiqada Shohro‘z Norxonov hisobni yiriklashtirdi. Birinchi bo‘lim “So‘g‘diyona”ning ustunligi ostida kechdi.
Ikkinchi bo‘limda Javohir Qahramonov ham o‘z hisobiga gol yozdirib qo‘ydi.
Jizzaxliklarning keyingi o‘yini 6-sentabr kuni “Istern”ga qarshi bo‘lib o‘tadi.
OFK Kubogi Markaziy mintaqa hududiy final
17-avgust, chorshanba
“Xo‘jand” — “So‘g‘diyona” 0:4
Gollar: 0:1 — 14 Jasur Hasanov, 0:2 — 21 Jasur Hasanov, 0:3 — 30 Shohro‘z Norxonov, 0:4 — 78 Javohir Qahramonov.“Xo‘jand”: 50. Shohruh Qirg‘izboyev, 5. Firdavs Abdusalimov, 7. Elchibek Rashidbekov, 8. Ehson Boboyev, 18. Daler Yodgorov, 19. Sergey Garanza, 20. Samandar Ochilov, 21. Firdavs Chakalov, 62. Jahongir Ergashev, 73. Alisher Barotov, 97. Sergey Ckanyan.
“So‘g‘diyona”: 27. Milan Mitrovich, 2. Sardor Qulmatov, 6. Iskandar Shoyqulov, 10. Shohruz Norxonov, 11. Jasur Hasanov, 12. Xislat Xalilov, 19. Javohir Qahramonov, 26. Vitaliy Denisov, 31. Luka Chermel, 77. Daniel Nasriddinov, 93. Marko Kolakovich.
