Bugun,

  • USD 10920.28
  • RUB 177.49
  • EUR 11052.42

Buxoro shahridagi “Abdurauf Fitrat” mahallasining Abdulla To‘qay ko‘chasida yashovchi fuqarolar hududda joylashgan 30-sonli bog‘chaning kanalizatsiya quvurlaridagi nosozlik sabab undan qaytib chiqayotgan suv hamda badbo‘y hiddan nafaqat aholi, bolalar ham aziyat chekayotganini ma’lum qildi. “Daryo” muxbiri voqea joyida bo‘ldi.

Foto: “Daryo”

Bog‘cha mudirasi Mahliyo Fayzullayevaning bildirishicha, mazkur bog‘cha ikki yil ilgari qurilib, foydalanishga topshirilgan.

Foto: “Daryo”

“Ikki oydan buyon ahvol shu. Viloyat maktabgacha ta’lim boshqarmasi hamda Buxoro shahar ‘Suvoqova’ tashkilotiga xat bilan chiqib, bildirganmiz. Ammo foydasi bo‘lmadi”, — deydi Mahliyo Fayzullayeva.

Foto: “Daryo”

Aytilishicha, kanalizatsiya quvurlari o‘z vaqtida tozalanishiga qaramay, chiqindi suvlarning yer ustiga sizib chiqishi to‘xtamagan. Yaroqsiz quvurlar orqali kanalizatsiyasidan badbo‘y hid taralmoqda. Bu esa shu atrofda yashovchi fuqarolarga noqulaylik tug‘dirmoqda.

Foto: “Daryo”

Aniqlanishicha, maktabgacha ta’lim tashkilotining kanalizatsiyasidagi muammodan yuqori tashkilotlar xabar topgan. Mas’ullarning aytishicha, mazkur muammoni bartaraf etish uchun Buxoro shahar hokimligi moliya bo‘limidan katta miqdordagi mablag‘ ham ajratilgan.

Foto: “Daryo”

“Daryo” muxbiri holat yuzasidan Buxoro shahar hokimining qurilish masalalari bo‘yicha o‘rinbosari bilan bog‘lanishga uringan. Biroq, samarasiz bo‘lgan. Maktabgacha ta’lim boshqarmasining qurilish bo‘limi mas’uli Shonazar Jalilov esa “Bu muammolarni hal etish uchun bizda pul yo‘q. Buni shahar hokimligi hamda moliya bo‘limi hal qiladi. Lozim bo‘lsa, masalani shahar hokimiga ayting”, degan.

“Bu qog‘ozbozlik bilan hal etilishi kutib turiladigan ish emas. Joyida bartaraf etish mumkin va jilla qursa, uzog‘i bilan ikki soatda yechimi hal etiladigan masala-ku”, — deydi bu haqda fikr bildirgan Buxoro shahri hokimi Jamol Nosirov.

Foto: “Daryo”

Shundan so‘ng holat joyiga texnikalar jalb etilgan. Ikki oydan buyon bog‘cha bolalari va aholini noqulay ahvolga solib kelayotgan holat 40 daqiqada bartaraf etilgan.

Foto: “Daryo”

“Muammo yuqori tashkilotlar e’tiborsizligida emas, balki ichki holatda yuzaga kelgani aniqlandi. Kanalizatsiya quvurlariga bog‘cha xodimlarining ehtiyotsizligi oqibatida sellofan paket tiqilib qolgan. Oqibatda chiqindi suvlar ketmay qolgan”, — deydi viloyat Maktabgacha ta’lim boshqarmasi axborot xizmati rahbari.

Shahar hokimining qo‘shimcha qilishicha, bog‘cha qayta qurilgan paytda quruvchi tomonidan quvurlar ham noto‘g‘ri o‘rnatilgan.

Foto: “Daryo”

“Bundan ikki yil oldin maktabgacha ta’lim tashkilotini qayta qurib, foydalanishga topshirgan quruvchi tashkilot tomonidan yerosti kanalizatsiya quvurlarini o‘rnatishda qo‘pol texnologik xatolarga yo‘l qo‘ygani aniqlandi. Ishni tez va sifatsiz bajarib topshirish, shuningdek, yerosti quvurlari atrofining mustahkamligini ta’minlamay turib, betonlab tashlanishi oqibatida bugungi muammolar kelib chiqqan. Sifatli kanalizatsiya quvur va o‘ralari bunchalik tez fursatda to‘lib, yer ustiga ko‘tarilmaydi. Endi esa yer osti quvurlari to‘liq qayta qurib, o‘rnatiladi. Va bu masala tez fursatda to‘liq o‘z yechimini topadi”, — dedi Buxoro shahar hokimi Jamol Nosirov.

Izoh
Asosiy yangiliklar
Mahalliy
Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
Mahalliy
O‘zbekistonda magistraturada o‘qiyotgan xotin-qizlarning kontrakt to‘lovini qoplab berish tartibi belgilandi
Mahalliy
Toshkentdagi klinikada janjal ko‘targan opa-singilga sud hukmi o‘qildi