Imkonsiz narsaning o‘zi yo‘q: Qisqa vaqt ichida hayratlanarli darajada vazn tashlagan mashhurlar (foto)

“Shirinlik iste’mol qilishni to‘xtatdim”, “Men mashq qila boshladim” — bunday iboralarni ko‘pincha faqatgina o‘zini qo‘lga olganlardan emas, balki vaznini ham tartibga solganlardan eshitish mumkin. Aslida, vazn yo‘qotish oddiy ish emas, shuning uchun Grazia nashri bugun o‘z tashqi ko‘rinishi ustida ishlab, a’lo natijalarga erishgan qahramonlar bilan tanishtirdi.

Jona Xill

“Stretton Oukmont”ning omadsiz sotuvchisi Donni — Jona Xill hozirda kelishgan yigitga aylangan. Buning uchun aktyor o‘zini qo‘lga oldi, ratsionini to‘liq qayta ko‘rib chiqdi va yil davomida 30 kilogrammdan ortiq vazn yo‘qotishga muvaffaq bo‘ldi. Bu Jonning birinchi marta vazn yo‘qotishi emas, u uzoq vaqt davomida ortiqcha vazn bilan bog‘liq muammolarga duch kelgan, ammo Xill ilk marta bunday hayratlanarli natijaga erishdi. Aktyor shirinlik, gazli suv va gamburgerlardan voz kechdi, u spirtli ichimliklar ichishni to‘xtatdi va muntazam ravishda sport bilan shug‘ullandi. Aktyor uchun shifokorlarning ogohlantirishi katta turtki bo‘ldi.

Yekaterina Skulkina

Liposaksiya yoki oshqozonni kichraytirish — Yekaterina Skulkina ijtimoiy tarmoqlarda o‘zining suratini e’lon qilganida, odamlarning xayoliga darhol ushbu jarrohlik operatsiyasi keldi. Suratda u shunchalik nozik ko‘ringanidan tabiiy yo‘l bilan bunchalar tez o‘zgarishlarga ishonish qiyin edi. Skulkina 20 kilogramm vazn tashlashga faqat o‘z kuchi bilan erishganini ta’kidlaydi. U dastlab sog‘lom turmush tarziga o‘tdi, motivatsiya, to‘g‘ri ovqatlanish, sport, massaj kabi jarayonlar bilan band bo‘ldi. Bu, albatta, vazn yo‘qotmoqchi bo‘lgan har bir kishiga beriladigan oddiy tavsiyalardir. Yekaterina bu sohada hech qanday mo‘jiza yo‘qligiga ishontirdi va u mutlaqo haq: hech qanday sehrli qo‘shimchalar bir zumda vazn yo‘qotishga yordam bermaydi. U har qanday vaznda ham bo‘yanish va libos muhimligini va go‘zallikni faqat insonning o‘ziga bo‘lgan ishonchiga bog‘liq deb biladi.

Set Rogen

“Agar Metyu Makkonaxi menga o‘xshay boshlasa, u qayg‘udan o‘zini o‘ldiradi”, — deb hazil qildi Set Rogen. 2011-yilda aktyor va ssenariy muallifi “Yashil qovog‘ari”  filmidagi yovuz jangchi Britt Rid roli uchun deyarli 15 kilogrammga ozgan. Albatta, bu unga oson bo‘lmadi. Set parhez va mashg‘ulotlar asosiy ishiga aylanganini aytib o‘tgan, ammo natija bunga arziydi. Rogenning turmush o‘rtog‘i Loren Miller ham sevgilisining tashqi ko‘rinishidagi o‘zgarishlarga xursand bo‘ldi. Vazn kamaytirishga erishish Set ko‘proq narsaga qodir ekanligini ko‘rsatdi va bu uning karyerasiga ta’sir qilmay qolmadi. U keyinroq Jon Levinning “Hayot go‘zal” tragikomediyasida do‘stiga og‘ir kasallikni yengishga yordam bergan yigitni, Denni Boylning “Stiv Jobs” biografik dramasida esa dasturchi Stiv Voznyak rolini o‘ynadi.

Janet Jekson

Inson qanchalik yosh bo‘lsa, unga vazn yo‘qotish osonroq bo‘ladi. Ma’lum sabablarga ko‘ra organizm tezda o‘zini qayta quradi va o‘zgarishlarga moslashadi. Bu omilni hisobga olsak, qo‘shiqchi Janet Jekson yanada ko‘proq hurmatga loyiqdir. 47 yoshida u 25 kilogrammni yo‘qotdi va nafaqat yangi, balki chiroyli ko‘rinishga ega bo‘ldi. 2016-yilda 50 yoshli Janet birinchi marta ona bo‘ldi — homiladorlik davridagi gormonal davolanish tufayli u deyarli yana 50 kilogrammgacha vazn to‘pladi. Jekson kechroq bo‘lsa-da, onalik va qat’iyat bilan muxlislarini hayratda qoldirdi. U ortiqcha vazn muammosi bilan kurashdi, zolim eri, milliarder Vissam al-Mana bilan ajrashdi va o‘g‘lining vasiylik huquqini qo‘lga kiritdi.

Jon Gudmen

Aktyorning vazni uning shaxsiy falokatiga aylanishiga oz qolganda, mashhur fitnes murabbiy Maki Shilstonga murojaat qildi. U unga uch yil ichida 45 kilogramm vazn yo‘qotishga yordam berdi. 2015-yilga kelib Gudmen tuzalib ketdi. 63 yoshli Gudmenning vazni 180 kilogrammga yetib, jiddiy sog‘liq muammolari bilan to‘lgan edi. Makk Gudmenga o‘z rekordini yangilashga yordam berdi. U spirtli ichimliklarni tashladi, kuniga kamida 7 kilometr yurdi, haftada 6 marta sport bilan shug‘ullandi, faqat baliq, yong‘oq, sabzavot va mevalarni iste’mol qildi.

Zak Galifianakis

“Las Vegasdagi ziyofat” filmidagi Alan Garner o‘tmishda qoldi. Zak Galifianakis endi semiz odam emas. Iste’dodli komediyachi jiddiy rollar va harakatlar bilan u hali e’tibor mazrkazida ekanligini isbotladi: 2013-yilda Zak sport bilan shug‘ullanib, ikki yil ichida deyarli 30 kilogrammga ozdi, to‘g‘ri ovqatlanishga o‘tdi, bu nafaqat tashqi ko‘rinishda, balki hayotda ham keskin o‘zgarishlarga olib keldi.