Имконсиз нарсанинг ўзи йўқ: Қисқа вақт ичида ҳайратланарли даражада вазн ташлаган машҳурлар (фото)

«Ширинлик истеъмол қилишни тўхтатдим», «Мен машқ қила бошладим» — бундай ибораларни кўпинча фақатгина ўзини қўлга олганлардан эмас, балки вазнини ҳам тартибга солганлардан эшитиш мумкин. Аслида, вазн йўқотиш оддий иш эмас, шунинг учун Grazia нашри бугун ўз ташқи кўриниши устида ишлаб, аъло натижаларга эришган қаҳрамонлар билан таништирди.

Жона Хилл

«Стреттон Оукмонт»нинг омадсиз сотувчиси Донни — Жона Хилл ҳозирда келишган йигитга айланган. Бунинг учун актёр ўзини қўлга олди, рационини тўлиқ қайта кўриб чиқди ва йил давомида 30 килограммдан ортиқ вазн йўқотишга муваффақ бўлди. Бу Жоннинг биринчи марта вазн йўқотиши эмас, у узоқ вақт давомида ортиқча вазн билан боғлиқ муаммоларга дуч келган, аммо Хилл илк марта бундай ҳайратланарли натижага эришди. Актёр ширинлик, газли сув ва гамбургерлардан воз кечди, у спиртли ичимликлар ичишни тўхтатди ва мунтазам равишда спорт билан шуғулланди. Актёр учун шифокорларнинг огоҳлантириши катта туртки бўлди.

Екатерина Скулкина

Липосакция ёки ошқозонни кичрайтириш — Екатерина Скулкина ижтимоий тармоқларда ўзининг суратини эълон қилганида, одамларнинг хаёлига дарҳол ушбу жарроҳлик операцияси келди. Суратда у шунчалик нозик кўринганидан табиий йўл билан бунчалар тез ўзгаришларга ишониш қийин эди. Скулкина 20 килограмм вазн ташлашга фақат ўз кучи билан эришганини таъкидлайди. У дастлаб соғлом турмуш тарзига ўтди, мотивация, тўғри овқатланиш, спорт, массаж каби жараёнлар билан банд бўлди. Бу, албатта, вазн йўқотмоқчи бўлган ҳар бир кишига бериладиган оддий тавсиялардир. Екатерина бу соҳада ҳеч қандай мўъжиза йўқлигига ишонтирди ва у мутлақо ҳақ: ҳеч қандай сеҳрли қўшимчалар бир зумда вазн йўқотишга ёрдам бермайди. У ҳар қандай вазнда ҳам бўяниш ва либос муҳимлигини ва гўзалликни фақат инсоннинг ўзига бўлган ишончига боғлиқ деб билади.

Сет Роген

«Агар Метю Макконахи менга ўхшай бошласа, у қайғудан ўзини ўлдиради», — деб ҳазил қилди Сет Роген. 2011 йилда актёр ва сценарий муаллифи «Яшил қовоғари»  фильмидаги ёвуз жангчи Бритт Рид роли учун деярли 15 килограммга озган. Албатта, бу унга осон бўлмади. Сет парҳез ва машғулотлар асосий ишига айланганини айтиб ўтган, аммо натижа бунга арзийди. Рогеннинг турмуш ўртоғи Лорен Миллер ҳам севгилисининг ташқи кўринишидаги ўзгаришларга хурсанд бўлди. Вазн камайтиришга эришиш Сет кўпроқ нарсага қодир эканлигини кўрсатди ва бу унинг карьерасига таъсир қилмай қолмади. У кейинроқ Жон Левиннинг «Ҳаёт гўзал» трагикомедиясида дўстига оғир касалликни енгишга ёрдам берган йигитни, Дэнни Бойлнинг «Стив Жобс» биографик драмасида эса дастурчи Стив Возняк ролини ўйнади.

Жанет Жексон

Инсон қанчалик ёш бўлса, унга вазн йўқотиш осонроқ бўлади. Маълум сабабларга кўра организм тезда ўзини қайта қуради ва ўзгаришларга мослашади. Бу омилни ҳисобга олсак, қўшиқчи Жанет Жексон янада кўпроқ ҳурматга лойиқдир. 47 ёшида у 25 килограммни йўқотди ва нафақат янги, балки чиройли кўринишга эга бўлди. 2016 йилда 50 ёшли Жанет биринчи марта она бўлди — ҳомиладорлик давридаги гормонал даволаниш туфайли у деярли яна 50 килограммгача вазн тўплади. Жексон кечроқ бўлса-да, оналик ва қатъият билан мухлисларини ҳайратда қолдирди. У ортиқча вазн муаммоси билан курашди, золим эри, миллиардер Виссам ал-Мана билан ажрашди ва ўғлининг васийлик ҳуқуқини қўлга киритди.

Жон Гудмен

Актёрнинг вазни унинг шахсий фалокатига айланишига оз қолганда, машҳур фитнес мураббий Маки Шилстонга мурожаат қилди. У унга уч йил ичида 45 килограмм вазн йўқотишга ёрдам берди. 2015 йилга келиб Гудмен тузалиб кетди. 63 ёшли Гудменнинг вазни 180 килограммга етиб, жиддий соғлиқ муаммолари билан тўлган эди. Макк Гудменга ўз рекордини янгилашга ёрдам берди. У спиртли ичимликларни ташлади, кунига камида 7 километр юрди, ҳафтада 6 марта спорт билан шуғулланди, фақат балиқ, ёнғоқ, сабзавот ва меваларни истеъмол қилди.

Зак Галифианакис

«Лас Вегасдаги зиёфат» фильмидаги Алан Гарнер ўтмишда қолди. Зак Галифианакис энди семиз одам эмас. Истеъдодли комедиячи жиддий роллар ва ҳаракатлар билан у ҳали эътибор мазрказида эканлигини исботлади: 2013 йилда Зак спорт билан шуғулланиб, икки йил ичида деярли 30 килограммга озди, тўғри овқатланишга ўтди, бу нафақат ташқи кўринишда, балки ҳаётда ҳам кескин ўзгаришларга олиб келди.