O‘zbekiston davlat jismoniy tarbiya va sport universitetiga 7 ming dollar evaziga o‘qishga kiritib qo‘ymoqchi bo‘lgan shaxs ushlandi

Toshkentning Bektemir tumanida pul evaziga o‘qishga kiritib qo‘ymoqchi bo‘lgan shaxs qo‘lga tushdi. Bu haqda Bosh prokuratura huzuridagi departament xabar berdi.

Ma’lum qilinishicha, Guliston davlat universiteti talabasi U.O. tanishlari yordamida fuqaro G‘.ning ukasi U.ni 7 000 dollar evaziga O‘zbekiston davlat jismoniy tarbiya va sport universitetiga o‘qishga kiritib qo‘yishni va’da qilgan. Shundan 4 000 dollarni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.