Prezident ta’lim muassasalari agentligi tizimidagi Nukus, Xiva, Namangan va Toshkent shaharlaridagi Prezident maktablari CIS (Xalqaro maktablar kengashi) a’zoligiga qabul qilindi. Bu haqda Xalq so‘zi xabar qildi.
Qayd etilishicha, Xalqaro maktablar kengashi a’zosi bo‘lish ta’lim muassasasining xalqaro darajada tan olinganini bildiradi. Ushbu maktablarda o‘qiydigan o‘quvchilarning chet eldagi top universitetlarda to‘liq grant yutish imkoniyati oshadi.
“Xalqaro maktablar kengashi a’zoligiga o‘tish uchun maktablar guruhi sifatida ariza berish tashkilot tarixida ilk bora kuzatilmoqda”, — deyiladi xabarda.
Ta’kidlanishicha, ayni paytda 2021-yilda o‘z faoliyatini boshlagan 10 ta yangi Prezident maktabi mazkur tashkilot a’zoligiga o‘tish jarayonida turibdi.
Mavzuga doir:
- O‘zbekistonda Prezident maktablariga kira olmagan 5-sinf o‘quvchilari yangi tashkil etilayotgan ixtisoslashtirilgan maktablarga imtihonsiz qabul qilinadi
- O‘zbekistonda yuqori malakali o‘qituvchilarni rag‘batlantirish uchun xalq ta’limi vazirining jamg‘armasi tashkil etiladi
- O‘zbekistonda ixtisoslashgan maktabning 9-sinf o‘quvchilari kamida 1 ta xorijiy til sertifikatini olishi belgilandi
Izoh (0)