Bugun,

  • USD 10940.05
  • RUB 182.26
  • EUR 11121.65

Qashqadaryo viloyatining Qarshi shahrida 2019-yilda ishlab chiqarilgan Cobalt ishlab chiqarilishidan uch yil oldin — 2016-yilda garovga olingan bo‘lib chiqdi. Bu haqda “Daryo”ga deputat Bekzod Berdiyev xabar berdi.

Avtomobilga taqiq qo‘yilgani haqidagi hujjat.

Avtomobilga taqiq qo‘yilgani haqidagi hujjat.
Foto: Bekzod Berdiyev

Ma’lum qilinishicha, deputat 2019-yilda ishlab chiqarilgan avtomobiliga 2016-yilda taqiq qo‘yilgani haqida avtomobilini sotish harakatiga tushgandagina bilgan.

“Avtomobilimni sotmoqchi edim. Ikki kun rosa sarson bo‘ldim. Oldi-sotdi shartnomasini rasmiylashtiramiz desak, avtomobilingizga taqiq qo‘yilgan deyishdi. Keyin bilsam Qarshi shahridagi 3-sonli notariusda 2019-yilda ishlab chiqarilgan avtomobilim 2016-yilda taqiqqa qo‘yilgan ekan”, — deydi bu haqda “Daryo”ga xabar bergan Bekzod Berdiyev.

Tuman kengashi deputati ekanini aytgan Bekzod Berdiyev huquqiy bilimga ega bo‘la turib, shu muammo sabab ikki kun sarson bo‘lganini ta’kidlab, “Bu notariuslarimiz oddiy xalqni oylab sarson qilar ekan-da”, — deydi.

Taqiq qo‘yilgan avtomobil hujjati.

Taqiq qo‘yilgan avtomobil hujjati.
Foto: Bekzod Berdiyev

Deputatning aniqlashtirishicha, uning davlat raqami 70 997 VAA bo‘lgan avtomobiliga notarius Matluba Kenjayeva tomonidan 2016-yil 31-oktabr kuni Qarshi shahridagi 3-sonli notarial idorada taqiq qo‘yilgan.

“Surishtirib bilsam notarius 2015-yildagi garov shartnomasiga ko‘ra davlat raqami 70 997 UAA bo‘lgan Cobalt’ga taqiq qo‘yaman deb, davlat raqami 70 997 VAA bo‘lgan 2019-yilda ishlab chiqarilgan mashinamga taqiq qo‘ygan. Ya’ni avtomobilning davlat raqamidagi bir harfda adashilgan”, — deydi Bekzod Berdiyev.

Murojaatchining qo‘shimcha qilishicha, u viloyat Adliya boshqarmasiga murojaat qilgach, mas’ullar o‘z xatosini tan olib, muammoni bartaraf etishga kirishgan.

“Daryo”ning bu haqdagi so‘roviga javob bergan viloyat Adliya boshqarmasining jamoatchilik bilan aloqalar bo‘limi mas’uli Shohida Shoimova ham xato tan olinib, muammo hal etilganini bildirdi.

“Holat kecha soat 14:00 da hal etilgan. Murojaatchining murojaati qanoatlantirilib, taqiqqa qo‘yilgan avtomobilidagi taqiq olingan”, — deydi boshqarma axborot xizmati rahbari.

Mahalliy kengash deputati Bekzod Berdiyev mazkur masala boshqa notariuslarga dars bo‘lishi lozimligini, hamma ham birdek haq-huquqini talab qilavermasligini aytib, “o‘z haq-huquqlarini yaxshi bilmaydigan fuqarolarni sarson qilish kerak emas-ku, nahotki notariuslarimiz bitta harfning almashishi bir inson taqdiriga, uning ishi o‘z vaqtida hal bo‘lmasligiga sabab bo‘lishini anglab yetmasa?”, — deydi.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak