Bugun,

  • USD 11095.31
  • RUB 173.84
  • EUR 10772.44

O‘zbekiston yanvar—may oylarida asosan qaysi davlatlardan yengil avtomobil import qilgani haqida ma’lumot berilgan. Ushbu ma’lumotlarga ko‘ra, Rossiyadan avtomobil importi keskin kamaydi. 

Foto: Bloomberg

Foto: Bloomberg

Agar o‘tgan oylarda O‘zbekistonga Rossiyadan 100 dan ortiq avtomobil olib kelingan bo‘lsa, may oyida bu ko‘rsatkich bor-yog‘i 79 ta bo‘ldi. 

Mart oyida import hajmi 310 ta avtomobilni tashkil qilgan edi. Ikki oyda bu ko‘rsatkich 3 barobardan ham ko‘proqqa tushib ketdi.

Asosiy sabab — urush va sanksiyalar tufayli Rossiya zavodlarining yopilishi. 

Bundan tashqari, avtomobilsozlik kompaniyalari mikrochiplarning etishmasligi tufayli muammolarga duch kelishmoqda.

Natijada ilgari Rossiya O‘zbekistonga olib kiriladigan avtomobillar soni bo‘yicha Xitoy va Janubiy Koreyadan keyin uchinchi o‘rinda bo‘lgan bo‘lsa, hozir bu o‘rinni Qozog‘istonga boy berib qo‘ydi. 

Yil boshidan beri import qilingan avtomobillar bo‘yicha Rossiya uchinchi o‘rindagi Qozog‘istondan katta farq bilan ortda qolmoqda — 1 400 ta avtomobil atrofida.

O‘zbekiston Rossiya bilan avtomobil ishlab chiqarish sohasidagi bir necha loyihalar bo‘yicha hamkorlik qiladi.

2020-yili “Uzavtosanoat” va “Folksvagen Grup Rus” Volkswagen va Škoda avtomobillarining yig‘uvini yo‘lga qo‘ygan edi.

2021-yildan beri Jizzax viloyatida Lada Vesta SW, XRAY va Largus avtomobillari yig‘iladi. Bu loyihalarning barchasi endi sanksiyalar va urush tufayli so‘roq ostida qoldi. 

Avvalroq O‘zbekistondagi Renault avtomobillariga endi nima bo‘lishi haqida xabar berilgan edi.

Izoh
Asosiy yangiliklar
Mahalliy
O‘zbekistonda 26-mart kuni qanday ob-havo kuzatiladi?
Salomatlik
Filtrlangan, qadoqlangan yoki qaynatilgan: organizm uchun eng foydali suv qaysi?
Mahalliy
Wizz Air Toshkent va Samarqandga parvozlar sonini oshirmoqda